الجمعه
2/ 11/ 1429
8:34 صباحاً
( انا لها شمس ..وانا لها في ..وانا لها روح الجسد في بدنها ...ياضي عيني ........) << جوالي يدق
اغمض عين وافتح عين ....( مها ..يتصل بك)
يا ليل والازعاج ع الصبح
بصوت وحده سكرانه نوم : هلا
مها : صباح الخير
ريم: صباح النور
مها: كيفك بعد امس؟؟
ريم: بعدين مهاوي اذا صحيت من النوم
مها: ماصدقت طلعت الشمس وتقولين بعدين وربي تقولين وش صار
ريم: لاتحلفين يابطه ... خلاص بقول ..من وين ابدأ؟؟
مها: من يوم دخلو اهله من باب بيتكم
ريم: وش تقولين يابطه اهله باقي ... بس هو جا
مها: لوحده
ريم: ايه لوحده
مها : كيف يجي لوحده ؟؟؟؟
ريم: ايه علشان بس يشوفني واشوفه.
مها: يشوفك !!!
ريم: النظرة الشرعيه وش بلاك يابنت
مها: ماعندنا هالحركات .. انا ما شفت حسين يوم جاني ..بعد الملكة شفته
ريم: كيف ماعندكم هالحركات؟؟ هذي نظرة شرعيه لازم تشوفون بعض
مها:هذي عاداتنا..
ريم: تتركون الشرع وتمشون ع العادات وربي تخلف
مها : لا مو تخلف
ريم: تخلف ونص شوفي نهايتك انتي وحسين طلاق
مها : فكينا من سيرة حسين ..كيف حلو ابو الشباب
ريم : وسيم شوي بس ما ابيه عشان الاخ طلع يبي يتزوج في العيد مستعجل ماعنده وقت
مها : لاوالله أمداكم تسولفون بالزواج
ريم: ايه يوم جلست معاه يقول..(قاطعت كلامي)
مها : بعد جلستي معاه؟؟
ريم : ايه يابنت لازم يكلمني عن نفسه واكلمه عن نفسي ولا تبين مثلكم خذوه فغلوه ملكه وكتب كتاب على طول!!!
مها : والله صادقه .. يا ليت عندنا سالفة النظرة الشرعيه
ريم: بصراحه انتو غريبين.. اول مرة اسمع في ناس كذا ماعندهم نظرة شرعيه؟؟
.
.
.... بعد نقاش طويل انتهت المكالمه
ادري طولت عليكم بس..
معقوله في الزمن هذا في ناس تزوج عيالها كذا بدون نظرة ... كيف؟ ؟واذا كتبوا اكتابهم ع بعض وبعدين شافها وما عجبته؟هل بيستمر الزواج ؟
اتمنى اشوف رايكم بالموضوع وتفاعلكم
دمتم بود
العرض الشجري
