اخوانى ... وصلتنى هاذي الوصفه من احد اصدقائى ... وهى وصفه رائعه جدا للي ناوى يخطب ... واتمنى لكم دوام الفرح والسعاده ...
تروش وصنفر جسمك بليفة سنعة وأذا ماحصلت ترى ليفة المطبخ تفي بالغرض.
أذهب الى حلاق معتبر بو مئة او مئتين ريال وعندك خيارين لبناني او تركي ( يمكن ان تتصل بصديق أو تأخذ رأي الجمهور ) وخله يصلح لك ذقنك ويحف لك وجهك
ألبس ثوب جديد ومكوي عدل و غترة ملكي ماركة (قودي) علشان ماتقولون دعاية للمراسيم.
كب على روحك نص غرشة عطر من النوع الغالي علشان يقضي على ريحة المعسل والزجايرالي لاصقة في هدومك.
أشتر هدية للخطيبة من بو ريالين واحرص تكون مغلفة مضبوط كأنها من الفيصلية أو مجمع الراشد ولا تنسى تقشع السعر.
خذ معاك جوال المملكه والا النورس واذا ما عندك أتسلفه من أحد ربعك ولا تنسى توصية يحشرك بالمكالمات والرسايل .
احفظ لك كم نكته من الأنترنت وكم بيت شعر من كتاب الأدب حق أخوك اللي في الثانوية لزوم الشاعرية والثقافة .
خذ معاك كم حبة شوكولاته لزوم تصرف اخوها الصغير ليكون يلزق فيك.
والآن ماذا يجب أن تفعل وانت في بيت ابوها:
حاول تجي بموتر كشخه لو اجار والا سيارة واحد من اخوياك وبعدين صرفهم قول بعت الموتر الناس اذووني عليه .
خلك ثقيل و تكانه يعني جنتل لا يكون تفلها من أول يوم علشان يعرفون أنك اسد. ولاتنسى اذا جلست تحط رجل على رجل وتدرب عليها بالبيت قبل واذا كنت دب الشكوى لله بلاش من هالحركه ( اذا يمديك تخفف حاول )
وزع أبتسامات في كل مكان وعلى كل الى تشوفه ماعدا الخدامة.
اذا شفت أخوها الصغير خذه وقطعه تبوس وعطه ريال (يعني انك حنين وتحب الاطفال).
تكلم كثير مع خطيبتك عن جمالها وحسنها وروعة ملابسها وأطرخها بكم بيت شعر من اللي انت حافظهم وأنت مغمض عيونك يعني أعمل فيها قيس بن الملوح.
تكلم عن الثقافة والتربية والمجتمع والمثل العليا وتأثير تلوث البيئة على زراعة قصب السكر في البرازيل
اذا جابوا لك الفاكهه والكيك لا تاكل بشراهه يعني اعمل فيها اتيكيت وانتبه يتملى وجهك وبراطمك بالكريمة حقت الكيك.
اذا لزق فيك اخوها الصغير أرمي له الطعم يعني الشوكولاته واذا مانفع عليك ان تستخدم نظرية (علي وعلى اعدائي) وصكه كف و بلاش من هالزواج اذا اخوها نشبه بهالشكل. (و هذا وجهي اذا شفتها مرة ثانيه)..........................
منقوووووووول
العرض العادي
