فـات القطـار ولانزلـت المحـطـه
عابر سبيـل وجالسـن مـع مقيميـن
طال الطريق وعارفـن ويـش مطـه
قو الصبـر صفـات ناسـن فهيميـن
عمر التفاهـم ماحصـل فيـه نطـه
إليـا حصـل فالحـب مابيـن قلبيـن
والحـظ دايـم مشيتـه فيـه خبطـه
لاشك مخطـوط الشقـا بـه عناويـن
لـو كـان منهاجـك رسمتـه بخطـه
اتلخبـط اوراقـك جميـع البراهيـن
بعض الجمل تحتاج فالوسط شخطـه//
حالة تعجـب !!!وضعهـا للفطينيـن
وبعض الجمل تحتاج فالنـص نقطـه...
وقف تفّكر كم مضى لك من سنين؟؟؟؟
دقق مـع الشاعـر واذا فيـه سقطـه
انقض بيوته واكتـب الجيـم للسيـن
يوم العتيبـي مـدت امـواج شطـه
من قوّهـا تحفـر صخـور الظلاعيـن
فتّال بيـت الشعـر مـن دون ربطـه
ماينقضـه ياغيـر ناسـن جزيلـيـن
واختامها يـوم القلـم خـف خطـه
ابختـم ابيـوتـي بترمـيـز بيتـيـن
لابـد تلقالـك مـن الوقـت لقطـه
بالذاكرة تاتيـك حيـنٍ بعـد حيـن
حتـى تحـقـق وقفـتـي بالمحـطـه
بصبر على صوت الجمـوع الغفيريـن
الــقــطار
العرض الشجري
