قلبـي حطـب والوقت ِ للقلـب حطّـاب=والناس كل ٍ شَــب ِ فالقـلـب عــوده
الجرح في قلبـي ولـه عــِـــدة أسبـاب=وقت ٍ تعدى فالمصايب حــدوده
الناس فيها روس ِ والبعض أذناب=أحـد ٍ يقابـل واحـد ِ يِكْـثِـر صــدوده
والوقـت عــاري ماتـِـكسـالـه إثـيـاب=سـر العـرب شايـع تِكَـسّـر ســدوده
منهو ســِــتــَــر نفسه عن الناس بالباب=ســِــر ِه يـذيع وياخذه من يقوده
بالزود يـَـظــْــهر ياخذه كــِــل من جاب =عـِـلــم البيوت ويــِــشـْــبــِــعه فيه زوده
واللي لقاله ناس وإن قالوا احباب = لا يامن الدنيا تغيّر جنوده
خل العرب جمله وفي خانة اصحاب=لين الوفي يظهر ويثبت وجوده
إسئل مجرّب جاله الوقت بحساب=جاب الديون وثم بيّن جحوده
ماطاب له وقته ولا القلب به طاب=والغيث قفــــــّـى ماسمعنى رعوده
قصة حياته تنكتب قصة كتاب=واللي جراله كـِـل ناس ٍ شهوده
الجسم ناحل والشــَــعــَـــر فيه قد شاب=سـِـبــَــة زمان ٍ ياعسى لايعوده
ذقت المراره قلبي فالهم قد ذاب=مير الصـَـبـُـر موفي علينا عهوده
لولاه ياما طاح فالوقت اشناب=كل ٍ وله قدره يـِـظــــَــهّر صموده
لاخير في رَجـْــل ٍ عن العِز قد غاب=ماهمه التاريخ وماضي جدوده
البيت إله عمود مع جملة أطناب=محد ٍ رفع له بيت طايح عموده
ياسعود هذا القول ونعده إخطاب=هذا زهاب العود معها قعوده
لو تقفي الدنيا ترى الوقت بتراب=والذِكْر ِ يبقى فالليالي ردوده
العرض الشجري
