على مفرق الساحل توقّفـت ياسلمـان=أخايل سحاب هل فـي دار مظنونـي
تمنيت لوإنـي صقرخافـق الجنحـان=وأسافرلدارالولـف وأشـوف بعيونـي
تمنيت ذيـك الداروالنـاس والأوطـان=ألاياهـل الموتـر أمانـه تـودونـي
على دارزين الوصف يالطرقي العجلان=وهات الخبرقـدام الأشـواق يفنونـي
أناظروهل الدمع صافي مـن الأعيـان=على اللي سلب عقلي وخلاه مرهونـي
بنى هاجس الذكرى على ضامري بنيان=وغنى لي القمري طواريـق ولحونـي
على أيام طافت والهوى مسرج الفرسان=أناوالغلا ماحد مـن النـاس يدرونـي
تذكّـرت ليـل هـادي حالـم فـتـان=والأحبـاب أفديهـم وبالـود يفدونـي
تذكّـرت همـس ساحركنـه الهتـان=سوالف لهاغايـه وقصـد ومضمونـي
تذكّرت مجلاس عفيف عـن الشيطـان=أوفّـي لخلانـي والأحبـاب يوفونـي
وساع الأصيل اللي قبـل يرفـع الآذان=لهاعشـق مابيـن المعاليـق مدفونـي
تذكّرت ريح الشيح والورد والريحـان=وكيف إنها مع ريح خلـي يضيعونـي
تذكّرت بستـان بـه التيـن والرمـان=ونسمة هواه اللـي لهاالقلـب ممنونـي
تذكّرت إذاأقبل وشرّف غصيـن البـان=وذي لحظة عـن طيبهـا لاتسالونـي
ألايا خفيف الـروح ياقايـد الغـزلان=تطمّن ترى حبك مع الوقت مصيونـي
أبرقب سحاب هل في ديـرة الخـلان=ومنـي تحيـه عـد بـرّاق ومزونـي
العرض الشجري
