ثلاث أيـــــام

[عاشق ومحروم]

	•[ . ( ثلاثْ أيَّــامْ ) تِطْعَنِّي وأنا أشِيلِكْ على كتفي . ]• ************************************************* يجينـي الجَرَحْ مِنْ إيدكْ وأصْفِقْ كَفِّي بكفِّي أعَزْ أحبابي يطعَنِّـي ويداوي الطَّعْنَه أعدائي !! ( ثلاثْ أيَّــامْ ) تِطْعَنِّي وأنا أشِيلِكْ على كتفي كأنْهَا طَعنِتِكْ " ضِيفٍ " وقلبـي . ( مسافر ) دُونْ ما أدري وحِزني داخِلي مخفي أبيـك الحيـن مـو باكـر تِحلِّقْ فوق أجوائي مطار القلب يتحرى رجوعِـك , غيبتِـك تكفي أبكتب لِكْ ولا أقــدر على التعبير وإملائي . . كنت أظنّ الخِلّ ما ينسى الخليـل لو يذوق الموت و يقطّـع وِصَـل كان بأرضى منك بالشيّء القليـل بسّ زدت السَمّ و أنقصت المصل . . حبيبي وان جيت اسولف لك ابطيت أبطيت اسولف لك والاحزان تمدي غيبتك موت وهالمسافة توابيت وان مت من بيكمّل الحزن بعدي . . أنـا الإنسـان فـي داخـل تجاعيـده يعيـش الطيـن أنا الأكثر وضوح من الوضوح / الغامض / الإنسان !! أنـا ذاك الطريـق المنتهـي فبدايتـه تـدريـن ؟؟ وش اصعب من طريقٍ مالقى فـي داخلـه عنـوان ؟؟ . . أشعلت لك سيجارتي وإنطفا النور وأشعلت نوري وإنطفت بي عيوني شفني بليّا كاس ياليل مخمور شفني بكيت بدون لا يضربوني ! شفني أدور / ألف و آلفّ / وأدور وأرجع إلى نفس الزوايا بدوني ألملم ظنوني وأعرف أرضها : بور وإن قمت طاحت بي بقايا ظنوني ! من يسدل ستار الوعد ياهل الدور من يِنْزِل الشارة ويرحم جفوني .؟! . . يعني خلاص لازم ارحل يعني خلاص با روح باكر بس دخيلك يا دخيلي دير بالك لي عليك . . كل ما كتمت الضيق شانت دنيتي كني حبيبْ الهمْ وحالفْ ما يخون وكل ما رفعت الراس أخبي دمعتي أكسرتني الشمس وخانتني العيون . . إسمك نسيته بعدما رحت أنا لحالي لأنه ظروفي عطتني شخص وحبيتــه بس المصيبه إنادي بإسمـك عيالي والكبير فيهــم بإسمك والله أذيتـــه غيّرت إسمه مدام إنّك على بالي على إسمكْ إنتَ تخيّل قمت وسميته يعني إنتَ في النهايه ما ترّد التضحيه . . إن جيت أضحك يبيّن حزني في عيني يا ويل قلبي مـن الدنيـــــا أيا ويله قلت: أبتسم له وأخبـــي حسرتي فيني لقيت دمعــــي نزلي وقـــال: شحليله . . كيف أشوف الأرض وأمشي وأنا من دونه ضرير؟ صرت كني شخص أعمــى وما تدليـه العصاه صرت كنــي طيــــر عايش بس جنحانــه كسيــر ما يشوف إلا جروحـــه وتركض العَالــم وراه لا قدر يفْــــــرَح ويسلَـم ولا قــــدر حتــــى يطير صرت طيـرٍ ماتتْ أُمـــه ومـا لَحق ياخذ غلاه . . بعض الاشياء ما تسوى يا قلبي تحتفظ فيها عطر محبوبك اللي راح وبقايا أغراض منثوره وصوره مرْ عليها الوقت تعاتبها وتحاكيها لا إنتَ مقتنعْ تسْكتْ / وعيّتْ تنطقْ الصوره . . حسبي على وقتك وحسبي عليكـ إنتْ لا إنتْ فيك الخير ولا الوقتْ وافي مشكور وما قصرّت فعلاً ولا هنتْ رفعتْ راس الجرحْ فيني / وكافي

[ساحر النبض]

عاشق محروم



ودى لك أيها الرائع ... ومرحباً ببك معانا فى رياضة الود ... كم أنى سعيد بهكذا حضور مشرق فى سماء الابداع ... فى رعاية الله وحفظه ... وإلى الامام دائماً وأبداً ...



















فائق تقديرى وأحترامى
(( ساحر النبض ))

[البــــAــــدر]

عاشق

/

بل مجنون حرف .. سطرت الكلمه لتبدع فيها ..

مودتي

[اختلاف الود]

عبق



من حضور بهي




طاب لي



دمت بود

[دي دمونه]

اسعد الله بالطيب مسائك
همس وبوح ونجوى وحزن عتااب
وتسائل
حرروف من عبق الورد
دمت وداام قلمك
جل
احترامي
وامنياتي
بالحب والخير والجمال

ديدمونه

[عاشق ومحروم]

أشكر الجميع على المرور اللطيف والردود الجميله ودمت لي بكل ود

[تحدوها البشر !!]

( مسافر ) دُونْ ما أدري وحِزني داخِلي مخفي
أبيـك الحيـن مـو باكـر تِحلِّقْ فوق أجوائي
مطار القلب يتحرى رجوعِـك , غيبتِـك تكفي
أبكتب لِكْ ولا أقــدر على التعبير وإملائي


رائع رائع اخي عاشق

لك كل الود

[๑ஐتــآهت افكــآري ஐ๑]

وصوره مرْ عليها الوقت تعاتبها وتحاكيها
لا إنتَ مقتنعْ تسْكتْ / وعيّتْ تنطقْ الصوره

.
الله عليك عاشق ومحروم
وين كنت فيه انت اقدم مني هنا

رروعه لاتحرمنا من حرفك

كل الود