سريت الليل ودموعي على خدي بعد فرقـــاه
سريت الليل وفي مسراي مدري وين يوديني
سريت الليل وافكر فيه حبيبي يامتى ألقــــاه
سريت الليل وكيف أسلا وغيرهـ مايسليــــني
سريت وناوي أرقا الرجم اللي مضيت أرقـاه
بـعد فــــرقاه خيـــاله مايفـــارقـــني يبـــاريـني
أشوف عيونه بعرض السما والليل في مبقاه
وأخـــيل صوتــه اللي مايفـــارقني ينـــاديـــني
وأشوف خدوده اللي فيه كل شي بالحلا محلاه
مــدري بالــغلا والحــب مــدري وين يـــودينـــي
يحب الضحك والهيصه ووقت الجد يامشقــاه
يحـــب الحـــب ويـــدلـع وهـوا ميــت(ن )فــيني
أنا أغـــليه وأغلـي الوقــت اللي به أنا ألــقاه
أحـــبه حــب من قلــبي وحبـه ساكن(ن) فيــني
ويجمعنا الغلا والشوق والحب من عميق اقصاه
ماقـــدر أوصــف لك غـلاه وشي(ن) بيـنه وبيني
يكــفيني وجــودي في حيـــاته كل مايبغـــاه
يكــفيـني سـكن قلـبي ونــور عمـري وسنــيني
يكفيني يفـز قلبي كل ماسمعت أنــا طــرياه
يكفـــيني خــياله اللي في قــلبي وفي عيــني
وبان الــصبح ونـجومه لو انه بان أنا اهـــواه
أنا أهـــواه ولـه الأشـواق بكل لحظه وكل حيني
هاذي الكلمات تعبير عن الروح
أهداء للشاعر الكبير الدكتور / عبدالعزيز بن خلف الفقيـــر
مع تحيات الشاعر / عبدالعزيز العيد:
أبو ربيـــــعه
العرض الشجري
