كل غربه وفيها للغريب كتاب = وحظي في ذا الزمان اني من اغرابه
ماشفت انا في البعد نوع من العذاب = يوم ان الزمن تالي كني من اجنابه
اعقب ياقلم كم طولت الغياب = كم طرى الجرح ماجبت عني اجابه
كانك تشوف صمتك اليوم ينهاب = لا والله الا ضعت وذيك المهابه
ياصاحبي لا مابقى عندي عتاب = راح الحب وبقيت جروح ٍ تشابه
خلها في قلب ٍ ماعاد له حساب = ومابقى لي قلب .. عذبوه احبابه
مابقى لي قلب .. من جور ماينصاب = استوت فيني حياته مع ذهابه
وانا اللي ملبَّس من الوفا جلباب = كني النكران لابسن جلبابه
انا اللي فقد ثمان بعز الشباب = اشكي الله .. الظالم .. ويااا عذابه
الا يالله عساه انه من اجناب = يالله سترك .. فيه عساي ماأآبه
زمن تساوى فيه صادق وكذاب = يبتسم لك الحاقد وتبان أنيابه
انا أحمد الكريم المعطي الوهاب = احمده ان دعيته شفت الإجابه
ماخاب اللي دعاك يالله ما خاب = تعوض اللي ضاع وقرب وحبابه
ألا ياعظم الصبر لاعظم الصواب= ألا ان الله أعظم مايرد بابه
وانا دعيتك يالله وشفت الجواب = رد كل شي ٍ ماكن شي صابه
احمدك يارب ٍ كريم ٍ ووهاب = أحمدك حمدٍ ماحمدنا ثوابه
أحمدك حمد عبدٍ من التراب = خلقته وهو مؤمن اليك مئآبه
عبدٍ ضعيف ٍ والدنيا وهم وسراب= في زمان .. الادغال خارج الغابه
إلا بقى قانون ويحكم الغاب = فيه مبدأ .. وين البشر واكتسابه
انا احمد الله اني من بعض الاغراب = في زمانٍ يابخت راعي الغرابه
سبحان من خلا الحياه أعظم كتاب = وكل انسان بيده يكتب كتابه
ابراهيم بن محمد اليامي
العرض العادي
