انا صادق...ودنيتي دوم كذابه
خلتن اضيع في صدى الحرمان
وكل انسان عني سد بابه
والقدر ماقصر...كمل سلسلة الاحزان
راحت ايام...وبتروح ايام وراها
والضحية احلام....احلام احنا بنيناها
قي بيت صغير...تحت حراسة القمر....وفي ضي الشموع
كلٍ للثاني اسير....وبقلبه وبروحه حضر..حامل حب بين الضلوع
قدام موج البحر جلسنا
وعيوننا على غروب الشمس
وبالسما طيور...تلف تدور... من حولنا
وتتنصت لاحلى همس
قالت احبك....قلت احبك
وشرقت علينا شمس الحب
بكلام ومشاعر بلازيف ولا كذب
وصرنا نجي لنفس المكان
ونتذكر اللي جرى وصار
ونضحك ونقول....ياحلو الزمان
ولا كننا نخاف غير من الاقدار
ولا كلام هذا وذاك ابد ماله عندنا اي اعتبار
وعند الغروب جلسنا...وباعذب كلام تسامرنا
وبكلام الحب تهامسنا
وغابت الشمس....لكن دنيتنا كللها نور
وبيوم ثاني شرق الشمس
واحنا في محلنا...ماتحركنا
قالت لي:في ايش سرحان؟؟
قلت : باحلام...اخاف تصير اوهام واحزان
سالتني مترددة : هو....هو حلمنا واحد؟؟؟
قلت : ايه نعم و والله الشاهد.
قالت متلهفة : قوللي طمني خبرني وشهي احلامك؟؟؟
قلت : نكون لبعض و....
قاطعتني وكملت عني : ومر ايامي يحلا بك.
قلت لها : لك حياتي ...... قالت : ابي حبك
قلت لها : لك روحي ....... قالت : ابي قربك
وسكت....وتلعثمت...وقلت لها : ماعندي قصور ولا....
قاطعتني و يدها على فمي وقالت : يكفيني قلبك.
وسرحت...ولا ادري وين وصلت
وش فيك ساكت؟؟؟هي اللي سألت
منت مصدقني؟؟؟هي اللي جاوبت
قلت : مادري...هذا علم ولا احلام؟؟؟
وضحكت ..وضحكت دنيتي معاها...وقالت اسمع هالكلام....
قالت : بهديك حياتي... ورديت : ابي حبك
قالت : بفديك بروحي.... ورديت : ابي قربك
قال : وين قصرك؟؟...قلت لها : قي قلبك
في ثواني اخجلت...وبارق مايكون همست : احبك
وجنتينا حمرت... وعيوننا دمعت يوم رديت : احبـِك
قالت : احلى حب...وقلت لها : احلى هيام
قالت : اصدق عشق....وقلت لها : اصدق غرام
قالت هذا وعدي....وقلت : وهذا عهدي
ومرت ايام...مادري كيف اوصفها...لكنها ايام
وجلست بيوم عند الغروب...وحسيت بدنيتي شحوب
والطير بالسما طاير...وقلبي معاه حاير
شمس تغيب...وطير طاير...وبحر هادر...وشهو المختلف؟؟؟
حسيت الغروب وقف....ودم الشمس نزف…وشو اللي اختلف؟؟
وصار يوم ثاني...وشرقت الشمس
ومرت فتره....ماتنوصف....خانقتني العبره
ناظرت لقرص الشمس...حسيتها بليا ضي
وتحولت عيني للبحر....وحسيته بليا مي
وصرخت بكل مافيني
وينها اللي تجلس جنبي؟؟؟
وينها اللي سكنت قلبي؟؟
وينها اللي تملكت حبي؟؟؟
وسمعت صوت ٍ يقول : ماتت.
ورديت...بدموع من العين سالت : بليا مزاح
وردد الصوت....ماتت...ماهو مزاح
ونزفت بقايا الافراح...وانقلبت جراح...آآآه يالافراح....رجعتي لي جراح
المشاعر بعدها ماتت...والدنيا علي جارت...والدموع سالت...والفرقة صارت
جاوبوني ياناس......هي غلطتي ان حلمي بسيط وصغير؟؟؟
ما ابي مال ولاجاه ولا بنيان ولا فرش وثير
ابي ابتعد عن الاحزان...ابي اعيش بحب صافي وحضن دافي...وحنان
لكن رغم هذا....لقيت نفسي
صدى الاحزان
العرض الشجري
