مساءكم / صباحكم
فُل وياسمين
حضوري الأول هنا
قديمه سبق وان ظهرت عبر مواقع اخرى قبل شهر تقريباً
آمل ان تنال ولو اليسير من سمو ذائقتكم
واعدكم بالأفضل ان شاء الله
فمان الله يامن لك ركع قلبي غرام وشوق =فمان الله يامنبع جمال الكوون والـرِّقـه
فمان الله ياكل الحسن والذوق والمنطوق =فمان الله يالترتيب / والتهذيب / والدِّقـه
فمان الله خوذيها بصوت العاشق المخنوق =فمان الله تطعنّـي تنــول القلب وتشقّـه
فمان الله تحرقني وتذبل بالضميـر عروق =فمان الله منه امسـي كما عود ولـده عقّه
فمان الله ياااااويلي كذا مخلووق عن مخلوق =تفرقـهم ومـن يـكره فـمان الله مـن حقّه
اصد /اقفي /وادنق /وابتسم كذبه وانا محروق =وتـلاشى هيبتي مــن عبرةٍ بالصـدر له طقّه
وازفه ونةٍ ترعب ولاااا حـنة خـلوووج النوق =صداها لارتـطم بأسوااار صبر المنكوي دقّه
وعلى خـدّي سقط دمعٍ ابـى لايحتويه الموق =كـما دمـعة يتيم ضيــم زوج الـوااالده طقّه
ولكن دامها ضاقت علي برفع يديني فوق =وانته هم بعد مثلي يدينك للولي لقّه
وندعي واحدٍ عادل وعنده ماتضيع حقوق =يشوف ويعرف الأيام شعطتنا وإشبقّه
ويدري ان الـ [فمان الله]للعاشق وللمعشوق = تعذب دون ذنب قلوووب من للعطف محتقّه
احترامي للجميع
بدر الشمري
إبداع يستحق التصفيق
العرض العادي
