معاناة رجل مع ( ورقة المقاضي ) !!!! 15/2/1429هـ .

[أهـــ( 1 )ـــم]

ورقة المقاضي ..
ياعالم راحت حياتي اوراق صغيره جيوبي مليانه ..
كل ظهريه وبعد صلاة العشا
طيب يازوجتي العزيزه فيه شي اسمه دمج ..
رئاسة تعليم البنات بكبرها دمجوها ..
ماتقدري تدمجي ورقة مقاضي الظهر مع ورقة مقاضي الليل
ونفتك من هالقلق اليومي ..
المشكلة اني اقرا طلبات مالها داعي بس مجبور اجيبها ..
دراق / طماط / بقسماط / برغل /
واخرتها مانلقى على السفره الا كبسه
وان سوينا نفوسنا كنديين حطينا فجل !
طيب هالبقسماط والصولجان وبقية الاسامي الصعبه لمين
طبعاً لخواتك اذا جوا يوم الربوع وانا ياغافل لك الله
طقني الجوع مع ابوشايع وابوعبدالله
وان سوينا فيها فجور وكاش ارسلنا حنيف يجيب ثلاثة حراق
من البيك ونتهاوش على الثوم !!
والمدام مع خواتها يتنعمون من خيري ومن تعبي
والجري في البقاله مع ورقة المقاضي
مره سويت فيها ذكي وبعد ماقضيت لزوجتي يوم الربوع
قلت بروح للشباب ..
واطب على المدام بدري واحصل خواتها عندها
وتوهم حاطين العشا ...
المصيبة والكارثه اخيرا شفت ورقة المقاضي صدق ..
لقيتهم حاطين سفره بدايتها في المقلط ونهايتها
عند ساسكو اللي ورا حلبان !!
الى درجة انهن حاطين سيكل جنب السفره
علشان اذا وحده بغت صحن من طرف السفرة
يمديها تجيبه ..
لا ولقيت لوحه مكتوب عليها
( السلطه 60 كلم )
مافيه شي ماهوب على السفره ماناقص الا وايت ببيسي ..
المشكله ان زوجتى تعاملني على اني ابلة تدبير وعندي خبره
وانا والله ما افرق بين الملوخيه والكزبره
والمشكلة إنها كتبت لي مره في الورقه كيلو كنافه كذابه
قسم تروعت وش ذا الكنافه الكذابه ,
انا ماعرف الصادقه فيهم
يوم اعرف الكذابه ..
واروح البقاله مالقيتها اتصلت بصديق قال رح لمحل حلويات ..
واروح وانسى اسمها واقول لراعي المحل عطني كنافه نصابه
ناظرني بأحتقار وعطاني اشكل بدل مايعطيني كنافه ..
في الاخير رحت عنده وقلت ياخي معليش انانسيت اسمها
بس انها كنافه ماهيب مضبوطه
يعني كنافه كافره وبتروح النار ضحك
قال قصدك كنافه كذابه قلت ايييييييييه ذي ذي ابي منها كيلو ..
زحمه وكنافه كذابه واخرتها قطعة خبز لاعبين علينا
وحاطين عليها شيره ..
وكله كوم ويوم اخذت اختي في المدرسه طريقة
عمل المكرونه بالبشاميل سرنا يوميا ماغير ناكلها
الى درجة ان ابوي اضافها في كرت العايله
لانها صارت جزء من العايله ووحده مننا
الله يحفظ الوالده ..
ورقة المقاضي حقتها ماتتغير علشان كذا مانرميها
انا حاطها في المفضله
لانها هي نفس الطلبات كل يوم
بصل/ طماط / رز / دجاج / خبز /
واذا بغت تسوي نفسها انها عارفة كل شي استبدلت
البصل بثوم واذا ملينا وبغت تجدد فيها حطت
الرز قبل البصل
والخبز قبل الطماط والله اني عشت عمري كله
وانا نفسي اكل شي جديد وخاصةً ذا اللي يسموه اومليت
الى درجة اني سكنت في فندق مره علشان لقيت
في القائمة اومليت مادريت انه بيض !!
المشكله ماعندهم رحمه ..
درجة الحراره في عز الصيف الف وانت تناقز
من محل الى محل وبمعية سموك ورقة المقاضي
لو تجيب الهايبر بندة كله وتنسى شي بسيط قامت القيامه
ولازم ترجع وانت اصلاً شرير ولاعمرنا شفنا منك شي يابخييييييييييييل ..
وياعيني على استخدام التقنيه ..
ورقة المقاضي صارت من العصر الحجري
الحين تجيك المقاضي مسج على الجوال
والله اني ابغا اصيح اذا قريت رسايل جوالي
ورسايل جوال اخوياي العزوبيه ..
كل رسايلهم
( عندما تشرق شمس يوم جديد اذكرك .. )
( كفاني ان جنح الليل يغشاني ويغشاك .. )
( الله على الجمس لولا وارد الستين ) << رسالة داخله بالغلط خطيبته بنت واحد شريطي
وانا تعال شف رسايلي
( حليب سريلاك .. )
( ارجع بدري نبي مويه )
( وانت جاي جب اعواد اسنان )
اعواد اسنان في نص الليل انتي صاحية !
وماقطع قلبي ونكد علي حياتي الا اذا طلبوا تسالي ..
تجيب برنقلز قالوا نبي جحا ..
تجيب بنكهة الكاتشب قالوا نبي بالخل والليمون ..
تجيب رقاق الورده قالوا نبي رقاق غوار ..
تجيب صلصه قالوا نبي ماجي ..
بس والله صار عندي خبره رابحه
وانا والله من اول كنت احسب البندوره هي البطاطس !
مناسبة هالموضوع اني رحت اليوم بعد صلاة الجمعه
ومعي كالعاده رفيقة دربي ورقة المقاضي
طولها حوالي 7.12 متر
ويوم دخلت الهايبربندة والقى زحمه
وانا اللي تصعب علي نفسي واتمردت وشقيت
ورقة المقاضي وارسل للمدام رساله اقولها
اني تمردت وقطعت الورقه ...
جزاها الله خير تفهمت الموضوع بشكل حضاري
وهذا انا اكتب لكم الموضوع

أخيراً أتمنى ان ما أحد يزعل لان هذا واقع اغلب النساء ...،،،

مما أعجبني ...،،،

ليعذرني من لم أتبع هواه بالكتابة...
أخــــــــــــــو كـــــــــــــمـ
][`~*¤!||!¤*~`][ أهـــ( 1 )ـــم ][`~*¤!||!¤*~`][

فكر في السعادة واصطنعها , تجد السعادة ملك يديك.

أخر الكلام
لكي تدرك قيمة الأسبوع .... اسأل محرر في جريدة أسبوعية

[ROPY]

يـ(ع)ـطيكـــ الـ(ع)ـــافيهــ (ع) هالــطرح !!


*•~-.¸¸,.-~*وسلمت اناملكـ*•~-.¸¸,.-~*






دامـ ()تواجدكــ() وبأنتظار ()جديدكـ() !!

/
\


رووبـــــــــي

[%فزولها%]

( الله على الجمس لولا وارد الستين>>>اللحين يرحم أمك رنج وهمر هههههههههههههههه

>>>الحريم يتفنن طبخ وش فيك انت >>>ههههههههههههههه

اكيد بذات يوم الاربعاء فله حريم وجمعه واكل مابعده اكل >>>خخخخخخخ

والله ان عن نفسي اجيب اغراض قد الطبخه الى نسويها ..
وش نسوى ندلع الرجاله >>>

على العموم انبسطت كثير لطرحك الرائع والى فيه نوع من الفرفشه >


ويسلموووووووووو خيوووووووووولهذا فهمى للطرح

مودتي

[AbdAlMajeeD]

هههههههههههههههههههههههههههه
اهــــــــم1 للحين عزابي <<< ما أقوول إلا لا تعليقـ


ماننحرم من جديدكـ

لك مني ارق التحايا

[،؛بنت السحاب؛،]

اقتباس الحين تجيك المقاضي مسج على الجوال

بصراحه ذي عاجبتني
حقيقة حاصله عندي وهذا اقتراح من سي السيد
على باله اذا صارت مسج خفت الطلبات .....!

شكراً لك هذا الطرح الخفيف والممتع
ننتظر منك المزيد
دمت بكل خير

[نبض المعاني]

رائع جدا الله لا يحرمنا من جديدك
بارك الله فيك تقبل أرق التحية

[أهـــ( 1 )ـــم]

إختي
( ROPY )
( مشرفة أقسام الاسره والمجتمع )

يسعدني تواصلك الدائم وتعطيرك متصفحي


أعتز كثيرا بمشاركاتكم لي

ألقاكــــم بكــــل الــــــــود

أخــــــــــــــو كـــــــــــــمـ
][`~*¤!||!¤*~`][ أهـــ( 1 )ـــم ][`~*¤!||!¤*~`][

[أهـــ( 1 )ـــم]

إختي
( %فزولها% )
( مشرفة السياحة والسفر)

يسعدني تواصلك الدائم وتعطيرك متصفحي


أعتز كثيرا بمشاركاتكم لي

ألقاكــــم بكــــل الــــــــود

أخــــــــــــــو كـــــــــــــمـ
][`~*¤!||!¤*~`][ أهـــ( 1 )ـــم ][`~*¤!||!¤*~`][

[أهـــ( 1 )ـــم]

أخي
( AbdAlMajeeD )
( ][§¤وِد ماسي¤§][ )

حتى انا مثلك عزابي لاتفكرني متزوج


أعتز كثيرا بمشاركاتكم لي

ألقاكــــم بكــــل الــــــــود

أخــــــــــــــو كـــــــــــــمـ
][`~*¤!||!¤*~`][ أهـــ( 1 )ـــم ][`~*¤!||!¤*~`][

[أهـــ( 1 )ـــم]

الفاضلة
( ،؛بنت السحاب؛، )
( مراقبة المنتدى العام والثقافي)

الله يعين سي السيد من المسجات والاقتراح النكبه


أعتز كثيرا بمشاركاتكم لي

ألقاكــــم بكــــل الــــــــود

أخــــــــــــــو كـــــــــــــمـ
][`~*¤!||!¤*~`][ أهـــ( 1 )ـــم ][`~*¤!||!¤*~`][