..الريم وخرفااااان العيد *_^

[(الريم)]

صباحكم / مساءكم ورد وريم
اليوم قلت بكتب لكم معاناتي في أول يوم العيد بس ياويل احد مايرد يقرا الموضوع ويطلع
الدخول مو بلاش كشك التذاكر عند أسير الود ارسلو له خاص ويرسل لكم التذكرة <<< باند اليوم ههههههههه
المهم خلكم من الفلسفه وهذي قوصتي يوم العيد
الساعه 8 صباحا قمت من النوم وفتحت عيوني <<< احلفي خخخخ
واقوم مفجوعه ع بالي دوام بعدين تذكرت انه عيد يوم شميت ريحة العوده بالبيت
المهم اخذت دش وبعدين طليت من الشباك علشان ينشف شعري << كسل تستخدم المجفف
عاد قلت لو شافوني عيال الجيران عادي عيد ولازم يعيدون ع وجهي خخخخ
وبعدها حسيت اني تنعنشت <<< احس الكلمه الاخيرة املائها غلط << وقفت على ذي خخخخ
الموهيم لبست ملابس العيد كنت بصورها لكم واسدحها بالموضوع بس خفت البنات تعجبهم ويقلدوني باللبس << ع بالها بريتني سبيرز خخخ
ومشطت شعري وحطيت مكياج بس بدون فونديشن قلت مايحتاج ع الصبح
(ملاحظه للتماسيح : فونديشن هو كريم الاساس )
المهم وحطيت وردة بشعري وتعطرت ولبست الصندل وكشخت ع سنقة عشرة
المهم يوم شفت شكلي بالمرايه قلت والله اني حلوة ولفيت لفه يمين ولفه يسار
وفجأه طاحت الوردة نزلت أجيبها من ع الارض يوم رفعت راسي ابي اقو م الا واصقع راسي
بطرف التسريحه اااخ << شكلي عطيت نفسي عين <<< لاتقولون عيانه عيني بارده
المهم قمت اسمي واقرأ المعوذات واية الكرسي
واشوف شكلي بالمرايه الا وجبهتي فيها لوحه فنيه من اثر الصقعه خخخخخخخخ
قلت مافيه الا الكونسيلر بيسعفها
(ملاحظة للتماسيح : الكونسيلر هو خافي العيوب ) بيصيرون خبرة بالمكياج ههههه
احمدو ربكم خبرة بتلقون وظايف بمحلات مكياجي ههههههههههه
المهم خلصت من كشختي << مابغيتي
واجي اروح لاختي رنا والقاها نايمه قلت بقومها الناس معيدين والاخت سكرانه
وطبعا هي تكره احد يناديها رنه بالهاء في الاخير هههههههههههه
واقومها : رنه...رنه علشان تسمعني وتقوم الا وتقوم شيطانيها علي وقامت ترافس
(ريم اطلعي من الغرفه لا اقوم احوس وجهك انتي والحديقه اللي بشعرك)
طبعا في ثانيه الا وانا برى الغرفه ( والله اني اخاف منها مع انها اصغر مني بسنتين
بس هالبنت قويه دايم تحشرني بالزاويه ههههههههههههههه)
المهم نزلت تحت ..وطق طق..طق طق ...انزل من الدرج (صوت الكعب خخخ)
مالقيت اهلي حتى اخواني مختفين
المهم قلت أعيد ع الشغالات << كلهم ثنتين قالت شغالات قالت خخخ
وقلت بعطي كل وحدة 200 ريال مو كرم بس عارفه انها بتتعوض لي من العيديات خخخ
وادخل المطبخ الا والاقي واحد منسدح ع الطاوله واطالع فيه ويطالعني ولا نزل عينه قليل الادب
وتنحنا في بعض ربع ساعه الين جات الشغاله (ريم ماما يبي انتي )
وكسرت جمود الموقف <<<احس يوم كتبت الجمله ذي اني صرت شكسبيره ههههههه
قلت للشغاله ليش بابا يوم جاب (من المسلخ) راس الخروف مع اللحمه <<< اول مرة يجيبه للبيت وععع
<<< تخاف من الخرفان متعقده من يومها صغيرة هههههههههه
المهم طلعت بسرعه من المطبخ وبديت احس بأشياء تتحرك ببطني خخخخخ
وعيوني دمعت ههههههههههه المهم حالتي منتهيه الحمد لله باقي ما افطرت والا كانت تصير علوم
وشوي اسمع صوت بابا يقول صبي مويه عليه وماما تقول وده المستشفى
خفت ورحت لهم لقيت اخوي الصغير منسدح ع الكنب جاته دوخه
ملاحظه للبنات : اخوي عمره 13 لاتفكرون تشبكون معه بجيكم الثاني في الطريق خخخ
المهم طلعت من المجلس اجيب مويه نرش المسكين هههههههههههههههههه
يوم طلعت الا واخوي الثاني داخل من برى تقابلنا بالمدخل (ملاحظه للبنات :عمره 23 ) الا وفي ثانيه رسم نقشه ع الرخام بدل الزخرفه اللي عليه
يعني بالعربي استفرغ قدامي وطلع الاكل حق 3 سنين وعععع
الله يقرفهم الشباب يسهرون الين تشرق الشمس وبس اكل في الخرابيط
يعني بالله عمركم شفتو واحد(اخوها الحفله) ياكل اندومي مع هولستن فراوله <<ابوك يالذوق
وطبعا انا يوم شفت النقشه اللي سواها رجعت الحاله اللي صارت لي بالمطبخ بس بطني فاضي هههههههه
اثاري العاصفه اللي صارت بالبيت سببها جارنا الله يهديه
من الصباح جا لابوي وقال جيب عيالك وتعال بسرعه
عاد هم قالو نفزع للرجال المهم اثاري الجار العزيز
ذبح جمل في حوشه وقال لازم تشوفون ولا كيف يصير عيد
واخواني توهقو اول مرة يشوفون شي زي كذا
الا صدق سمعت فيه ناس تذبح عيدها بالبيت مايعترفون باختراع اسمه مسلخ ههههههههه
المهم ماما قالت لازم نودي عمر(اللي داخ) المستشفى
عاد قلت فرصتي اطلع من جو البيت اللي ريحته تقول مخلط ملكي
مكون من ( ريحة لحمة الخروف ونقشة اخوي خخ وريحة العود )ههههههههههه
قلت ماما ارتاحي انا بروح مع بابا المستشفى ورحت صاروخ البس العبايه
يوم دخلنا المستوصف وكان فاضي مافيه احد الا وصوت الكعب طلع عالي
وكل ما مر دختور ولا ممرض يطالعون <<< بغيت اسوي زحلطن بوسط المستشفى <<بس واثق الخطوة يمشي ملكا خخخخ
المهم سدحوا اخوي وركبو له مغذيه << منتهي المسكين ههههههههههههههه
شوي قال الدكتور اطلعي برا الله يخسه طردني وترك ابوي معه ينقال حالة اخوي خطيره
طلعت انا وجلست برا الغرفه ولقيت ولد صغير جالس قدامي يمكن عمره 9 سنوات
جات في بالي فكرة جهنميه خخخ قلت بقوم اسوي له اغراءات اشوف ردة فعله
وقمت اغمز له بعيني هههههههههه وشفت مانفعت معاه الحركه رحت فتحت الطق طق الاخير اللي بالعبايه
وكنت لابسه قصير <<< معيده من جد
المهم وفتحت الثاني وقمت اطلع السيقان واغمز له هههههههههههههههههه
الولد شكله مايعرف يغمز يسكر عيونه الثنتين ويفتحها يالبى قلبه
قلت له وحده بس ياحبيبي مو الثنتين ههههههههههه المهم وانا شغل حركات اغراء
مسكين قلت اخليه يعيد شوي ههههههههههههههه وكان الولد يتعلك وشكلي احرجته بالحركات
قام الولد وطلع العلكه اللي بفمه وحطها ع الكرسي وراح ينقال يرقم ههههههههههه
المهم جا واحد وجلس مكانه( جلس ع العلك السامج ) وقعد يقزفيني شكيت بنفسي قلت يقرب للخروف اللي بمطبخنا <<نفس نظرات خروفنا اللي بالمطبخ بعدين تذكرت اني حاطه مكياج وقمت ورحت لبابا
قلت جوعانه قال لي فيه ماركت جنب المستشفى روحي وانا بقعد انتطر المغذيه تخلص
وبعدين طلعت ورحت للماركت قدام الماركت وقفت هايلكس فيها 5 خرفان بالحوض وربي كأني شفت الموت بخمسه اشكال
ونفس الشي تنحت فيهم من الخوف طبعا وكأني شفت واحد يغمز لي ههههههههههههههههه
وكسر جمود الموقف <<< عاجبتها الجمله خخخخخخخخ
صوت بابا ( ريوم يله رجعنا البيت ) ورجعنا ورنا لسه سكرانه نوم
وخلصت الحكايه وكملنا العيد ع خير