بحكم اننا نقضي كل وقتنا اللي ندخل فيه النت بالمنتدى وبالاخص العام مدري يجيكم هالشعور؟
انكم لو غبتو يوم او يومين لظرف ما ياكلكم قلبكم ودكم تعرفون وش صار بغيابكم
وش ردة الفعل لو كنتوا حاطين موضوع جديد
ولما يطول الغياب وترجعون تقعدون حوسه من صفحه الى صفحه تبون تعرفون كم فاتكم ووش فاتكم؟
تدرون بحكم اننا هنا من مده ويمكن بعضنا قضى او له اكثر من 3 او اربع سنوات صرنا حتى نعرف طبائع بعض وامزجه بعض
حتى اللي ضايق خلقه نكتشف هذا من رده او توقيعه
انتو معاي ولا؟؟
يعني كلنا درينا وعرفنا تشلن بو محمد وبنته بيان وانه يدخن ويقول الحق ومايخاف من احد واباضي
ومناحي وتهاني محبوبته الاردنيه وغرامه بفيروز وتوقيعاته الغريبه والمغبره
وبرئيه الطبيبه اللي صريحه وتقول رايها بكل جرأة ومسوكه بنتها
ابحار فكر ومعشوقته نبوله ووافكاره اللي مرات نفهمها ومرات نحس او ماندري وش يبي
وراعي البعارين اللي يكتب عن شي وهو يقصد شي ثاني مثقف واحيانا البعض يرد عليه بس مايدري هو وش يبي ومرات البعض ينتظر احد يرد عليه علشان يفهم من الرد راعي وش يقصد؟
وبروج الكرامه اللي يغيب يغيب بس لما يكتب رد يترك بصمه
وابو نفس طويل بالنقاش مشعل الخليج اللي انضم لنا مؤخرا
وبنت حايل اللي بين فتره وفتره تترك قسمها لتشاركنا روعة الحوار والنقاش
وتطرح مواضيع مميزه
وارجوانا اللي احس انها بالعام معنا كانها وحده منا مو مشرفه لقسم ثاني
وحلالة المشاكل جلنار ولو ان عليها غبات مدري وين تروح فيه بس لما نحتاجها بفزعه متواجده
والجازي اللي تالقت مؤخرا
والثنائي المدهش اكيد عرفتوه سوسو وجوجو ولو ان سوسو من عقب بيعت الخواتم والاشراف كنها تكيسلت
ونغومه فديتها الحاضره حتى بغيابها ام مواضيع مميزه بس احس ان بالفتره الاخيره صارت مزاجيه
اما اللي يغيب ويطول غيابه ولما يمر مايرد الا على رد يستفزه او يروق له اكيد عرفتوه
فليسوف الشرقيه وعلى فكره اول مره اجي المنتدى كان اول شخص رحب فيني
وحضيض والجنسيه الروسيه والفيمتو
وغيرهم وغيرهم
ويعذروني البقيه يمكن اذكرهم بردودي بس من جد تجيكم هالحاله تحسون ان في بينا قرابه انترنتيه؟؟
مدري انا عندي هالشعور حتى شعري صار طويل
عسى بس كل ماطرى لكم ارومه الكل يقول اي شطحات هانم
العرض الشجري
