بلا عتب
هي أتت هكذا
فاعذروني أرغمتني المشاعر عليها
ماقد جرحتك ولا في يوم ضريتك
. . . . . . . ولا اذكر إن الغلا قد طاح تقديره
.
.
تخطي وتجرح وتقهر ماتحديتك
. . . . . . . اصبر واحمل على حمل الشقا حيرة
.
.
رغم اللي شفته من عنادك وتشتيتك
. . . . . . . ماقد طرا لي ابــدل حبك بغيره
.
.
لا وحسافة زمان ٍ فيه حبيتك
. . . . . . . درب ٍ مشيته معك خابت مشاويره
.
.
تصدق إني كرهتك قد ماغليتك !
. . . . . . . والحمد لله عساها تكون لي خيرة
.
.
معذور والله وربي يوم خليتك
. . . . . . . لاتحسب إن الخيانة عندي صغيرة
.
.
مابي كلامك وعذرك وانت ياليتك
. . . . . . . تصك باب العذر وتـفضها سيرة
.
.
والله لو لك قدر عندي تحريتك
. . . . . . . لكن غلاك انقتل واجتُثت الغيرة
.
.
وش جابك ؟ الله يردك سالم لبيتك !
. . . . . . . افلح توكل تراك مضيع الديــرة
/
\
/
\
/
الله يستر عليك تروح ماجيتك
. . . . . . . دور بـدالي عسى بفراقنا خيرة
,
,
,
فيصل الباهلي
العرض العادي
