مقارنة بين ورعان الهاي هاي وورعاننا المحترمين

[مظلوم في الحب]

مقارنة بين ورعان الهاي هاي ( اللي فوق) وورعاننا المحترمين

مقارنة بين أطفال الناس الهاي ... وورعانا المحترمين ههههه
أطفال الناس الهااااااي:
في الصباح حيث يبداء يوم أطفال الهاي عندما يستيقظ على صوت الكناري اللي بغرفته بعدها يتوجه للحمام يتروش ويفرش أسنانه ويطلع من الحمام تستقبلة المربية بالمنشفة وتصبح عليه يروح يغير ملابسة ويأخذ شنطته على أمه وأبوه وأحلى بوسه يأخذها منهم ويفطر ذاك الفطور طبعا عبارة عن كرون فلكس أبو الديك ذالك وبيضة وحده بس!!! وكأس عصير وشويت زبده مع العسل على خبزه ما عمري شفتها.
بعدين يقوم يغسل فمه ويودع الماما والبابا ويتوجه للسيارة يلقى قدامه السواق مبتسم ويفتح له الباب ويوديه لمدرسته الخاصه

وورعانا المحترمين:
ورعانا يقوم الصبح بعد ما يطلع عين أهله ولازم أفراد العائله تمر عله علشان تصحيه وكل واحد وطريقته
الاب: قم جعلك الهزل
الأم : قم جعلك الجدري
الأخ : قم والله أذا ما تقوم لأفقع وجهك
الاخت:تسوي نفسها بتدلعه يالله قوم وأعطيك شنطة أخوك تروح فيها للمدرسة مادرت أنه يروح بسير لزاق بعد مايقوم يمر الحمام على السريع ويغسل وجهه شطف هذا أذا راح وبعدين يأخذ أقرب كتب عنده ويربطها ويجيك مدحدر يدور الفطور ويتفاجأ أنهم ماحطوه!!! بعد ما يجي الفطور وهو كالعادة: فول شكشوكه تميس حليب أبو علم يبدأ الورع بالأكل وشوي الا وهو حاذف أخوه بعلبة الهندسة عشانه سحب صحن الفول من عنده مسكين ما يطوله وشوي ال وهو مسدد بقس عنيف يمشي 200 لأخوه الثاني!! لأه سرق فسحته أبوه يتكلم معه ياورع أركد وأفطر وعين خير أنت وش بلاك وراك مدرسه يرد الورع عليه : أنت ماتشوف سعيدان سارق فسحتي؟ سعيدان أكبر سروق بالبيت .. أبوه على طول يصدق ويصك سعيدان كف صدقي المهم بعد ما يخلص الفلم اليومي يروح الولد للسيارة يلقى أخوه فاتح الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسة (( أكيد حكومية))


أطفال الناس الهاااااااي:
بعد مايرجع من المدرسة يلقى المربية في استقباله تأخذ الشنطه وتوديها لغرفته بصحبته يغير ملابسه ويغسل وجهه ورجليه ويستريح له ساعه في أنتظار أفراد العائله عشان يتغذي وبعد الغداء الرايق (( طبعا ما أعرف شنو بس اللي اعرفه أنهم يأكلونه بشوكة وسكين)) يروح لغرفة الجلوس ويشرب الشاهي للتهضيم ويحلي بقطعة كيك وبعدين يروح لغرفته ينام له ساعة قبل العصر.


ورعانا المحترمين:
الورع منهم يجي من المدرسة وثوبه قالب لونه بني ((تقول جدار مدرسة)) وأذا دخل البيت حذف الشنطه (( اسف السير اللزاق)) بالصاله وفضخ ثوبه ووينك يالشارع أخوياه يحترونه ويبداء لعب الكورة بالقايله وعادي الشارع مولع من الحرارة وهم عادي مرررره ولا كانه فيه شئ وأهله مايدرون في هذه الأثناء يرسل أبوه كتيبه من أخوانه للبحث عنه وأذا لقوه وجابوه للبيت قام يصيح طقوني وسحبوني قدام الناس والله ما احد لمسه النصاب المهم يحطون الغداء معروف(( ياكبسة دجاج والا مشخول دجاج)) غيره مافيه يتغدى الورع الكريم ويصك بعده لتر لبن بعده يجلس ساعه فاتح فمه تحاول تسكره بفمه أنسى يحتري من يوديه يغسل له يديه


اتمنى تنال أعجابكم