طال الهجر يا زين وانا احـــــــــاتيك =وابطيت في الصدك وانا قد نهــيتك
قلت الزعل والبعد كثر ينســـــــــــيك=وهرج العواذل لا تدخله بـــــــيتك
وصدقت هرج اعدائ الله يجـــــازيك=فيني وانا بصدق المشاعر هــويتك
وقفيت ما رديت يوم اني ادعــــــــيك=وقلبك نوى صدي وانا ما نـــــويتك
عزالله اني مغرما فيك وابـــــــــــــيك=وما خنت في حبك ولا قد جفــــــيـتك
كانك تبيني اترجاك واجــــــــــــــــيك =عزالله ان تبطي وانا ما رجــــــــيتك
مخطيت في حقك عشان اني ارضيك=وان كان ناسيني تراني نســـــــــيتك
واليوم شقق صفحة الحب بيــــــديك =واعرف تراني نادما يوم جــــــــيتك
يا قلبي اللي كل هما نزل فـــــــــــيك=راحت اسنين العمر ماقد وفيــــــــتك
تشكي من الحرمان والبعد كـــــاويك =وما في يدي حيله وانا هم شكيـــــتك
ما تبت من حبك لناساً تعــــــــــاديك =وانا معك دايم وما قد عصيـــــــــتك
من قبل انا طعتك ولاني بناهـــــــيك=ورخصت لك عمري وكلي فـــــديتك
واليوم في دربك ولأني مخــــــاويك=وارجوك سامحني انا ما هـــــــديتك
كان العشم تسمع كلامـــــي وداويك =لكن تعاندني وانا ما قــــــــــــــويتك
من شعري
العرض الشجري
