الغزل تحبينه ... ومن يرضيك بحروفه لاتنكرينه

القــــــــديم · 04-10-2002, 08:38 PM

[c]هذي قصيده من خيال .. والخيال ينسج من حلم تتمناه
وطبعا ماتمنيت الا بعد ماشفت العجب ... عموما هي اول مشاركاتي وانشالله تعجبكم

البارحه دقت علي الهواجيس *** وتناوبت قلبي هجوسن صدوقه

عفت المنام وعفت لذالتناعيس *** اسهر الين الصبح يبدي شروقه

من حر مابي جبت بيض القراطيس *** وبيحت انا مكنون قلبي وعوقه

بالي خذا عقلي بسودن نواعيس *** وبعيونه الخرسات ثبت دقوقه

غرون خذا بالزين كثر النواميس *** فايق على كل العذارا بذوقه

ابوردوفن نابزاتن متاريس *** وتلقى العسل في مبسمه لو تذوقه

وعنقه كما عنق الخشوف المراويس *** وجدايلن من فوق متنه تعوقه

الى تبسم تلقى الثنايامقابيس ***والخدياخذلمعته من بروقه

اقفى وخلا القلب بين الوساويس *** والقلب عقبه يابساتن عروقه

القلب كنه ينحمس بالمحاميس *** وروحي على لماه دايم شفوقه

صارت حياتي كل ابوها تناحيس *** وحظي رثيته يوم صرتي صدوده

هذا الهوى والناس والثالث (الي في بالي )*** بنو مثلث في ضميري حروقه

وسلامة نواظر من اتعب عيونه .. اخوكم القديم[/c]

القــــــــديم · 14-10-2002, 04:28 AM

على اني مااشوف فيها غلط .. بس ماحد رد:( :(

البسمه الحزينه · 16-10-2002, 10:15 AM

استغرب مااحد رد عليها بس من جد رائعه جدا جدا جدا بالتوفيق
واوعدنا بالجديد والمميز
البسمه الحزينه;)

محمد الشمري · 16-10-2002, 10:41 AM

اخي الغالي

القديـــــــــم

كلي اسف اخي الغالي

على تاخر ي في الرد ولاكن كنت اظن واعتقد اني قرائتها من قبل

هنا لان عنوان القصيده اعتقد انه مر على هنا ولاكن ربما انا متوهم

بذلك ..

اخي الغالي

القصيده رائعه بكل معنى للكلمه

قصيده من الوزن الثقيل

لايقولها اي شاعر

وميزتها ان تصويرها تصوير الشعراء القدامى !!

كلمات جزله ومعاني رائعه

وان كنت اتمنى ان تستخدم التشفير على بعض المصطلحات ..

دمت اخي الجديد القديم

القــــــــديم · 23-10-2002, 11:38 PM

[c]البسمه الحزينه ... اشكر مرورك على ابياتي المتواضعه

والضاهر ان عنوان القصيده الي غيرته اكثر من مره ولا هو راضي يتغير

هو السبب في ان ماحد دخل ورد ... مع ان الغزل الي تغزلته في قصديتي مو فاضح

عموما اشكرك على حضورك الاكثر من رائع

وفي انتظار جديدك [/c]

تحياتي ,,, القـــــــــــديم

القــــــــديم · 23-10-2002, 11:41 PM

[c]محمد الشمري ... اشكرك على حضورك ويسعدني جدا

اشوف ردك على قصديتي

تحياتي لك .... القــــــــــديم[/c]

القــــــــديم · 12-11-2002, 10:17 AM

اشـــــــكركم على تواصلكم معاي

واحب اههنيكم بحلول شهر رمضان المبارك

تحياتي للجميع ,,, القــــــــــديم

امير الاتحاد · 13-11-2002, 05:24 AM

السلام عليكم ...

الله الله عليك اخوي كلمتك اوقفتني حائرا في عالم الخيال ورح اكتفي بوضع اسمي على مشاركتك يالغالي

وتقبل تحياتي ...........

الشاهين · 13-11-2002, 07:11 AM

الاخ / القديم

عفت المنام وعفت لذالتناعيس *** اسهر الين الصبح يبدي شروقه

صح السانك .... كلمات جميله ورائعه 000

صارت حياتي كل ابوها تناحيس *** وحظي رثيته يوم صرتي صدوده

بانتظار جديدك ايه المبدع 0000 الي الامام

تحياتي وتقديري
اخوك الشاهين

القــــــــديم · 16-11-2002, 09:36 AM

امير الحب .. من جد يسعدني مرورك على كلماتي

وانشالله يعجب الجميع جديدي

تحياتي لك ,,, القــــــــــديم