ليه
ليه لما نحس إن إحنا دخلنا طريق غلط وإحنا سايقين العربية بنخفض صوت
الكاسيت أو راديو السيارة ؟
***
ليه لما بتكون بطارية الريموت شبه فاضية ، بنضغط على الزراير بقوووة ؟
***
ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟
***
ليه بنقول هدية مجانية ..؟ مش المفروض إن الهدية تكون مجانا
ولا بفلوس ؟
***
ليه لما نكون جوه البيت والسماء بتمطر بنسأل هو الجو بيمطر بره ؟
هى
عمرها مطرت داخل ؟
***
ليه لما واحد يقولنا انتبه الجدار لسه الطلاء ما نشف مانصدقه ونمد
صباعنا نتأكد ؟
***
ليه الخدمة بتكون سريعة لما المطعم يكون مزدحم أكتر من لما يكون نص نص ؟
***
ليه لما الواحد بيركن السيارة فى موقف فاضى اللى جاى وراك بيركن جنبك ؟
***
ليه دايما لما حد بيجري يلحق الأتوبيس تلاقيه
مبتسم أو بيضحك ؟
***
ليه بنفتكر إن لما ندوس على زرارالمصعد( الأسانسير )كثير يعني بيجي بسرعة بسرعة ؟
بجد ليه
أو
مثلا ليه
لو واحد جه بعديك وأنت تنتظر الأسانسير بيدوس على زرار الأسانسير ولا
كأنك موجود و الزرار منور أصلا ؟
***
ليه لما بنتصل بالتليفون .. دايما النمر الغلط مابتكونش مشغولة ؟
***
وليه دايما
لوحة أرقام التليفون أو الموبايل بتكون عكس لوحة أرقام الآلة الحاسبة
أو حتى
أرقام الكيبورد ؟
***
وبمناسبة التليفون ليه لما واحد يعطيك رقم تليفونه
بيقوله بسرعة ؟
أكيد علشان يحسسك انه سهل ممم _ يمكن
***
ليه لما بنصحى من النوم دايما بنحس إن كمية النوم ناقصها عشر دقايق ؟
***
ليه وأنت بتقرأ الحين و متشوق
حاسس ان فى سطر فى النهاية هايفطسك من الضحك ؟
العرض العادي
