يــــوم في حيــــــــاة عضـــــو ...

~¤§¦ريشة إحساس¦§¤~ · 02-09-2006, 11:28 AM

عـــدنـــــــــا ..

<< مع تحيات قناة سبيس تووون

الســـــــلام عليكم ورحمة الله ..

<< وعليكم السلام ورحمة الله ..

وش دعوة ردوا .. تراني مسلم ..

اليوم الخميس 30 / 7 / 1427هـ الموافق 24 / 8 / 2006م

كانت طلعة شباب للاستراحة ..

القطة 100 ريال العدد 15 شخصا جايين في باص مدرسة بنات

رد الفائض غير معلوم إلى أجل غير مسمى

المحاسب خذ فلوسنا ونحاش

تبدأ الطلعة من 8 صباحاً

طبعا بما انه يوم خميس مافيه أمل أفوووته وأخرب نومتي عشان طلعة

لأني أنا أحب النووم بس هو مدري هو يحبني او لا

عشان أجيب أهلي وأتقدم بشكل رسمي .

وانا قلت لهم هالشيء لا تحاولون إني اجي معاكم الصباح عشان أذوق شكشوكتكم .. << أتحداكم تقولوها خمس مرات بسرعة

<< شباب مايعرفون يصلحون غيرها .

صحيت الساعة 2 الظهر بعد منتصف الليل

وألقى عشرة آلاف ريال اتصال من مجلس إدارة الطلعة غسر المسجات من صغر المستثمرين والمساهمين

المتضمنة بخروجهم للمكان الرومانسي المعهود ..

أثاري كل هالاتصالات عشاني انا الوحيد اللي مادفعت القطة

يعني وقفت علي

الهندي حاشرهم في الشمس ويوقل ما تدخلون على جثتي ناقص واحد مية ريال

قالوا خلاص الحين بيجي

انا وصلت الاستراحة الساعة 3

اول ما دخلت قالوا القطة يابو الشباب .. وانا مايحتاج كااااااااش ماتهمني 500 ريال هذي امسح بها طبلون السيارة

وقالوا ليش ماجبت معك شيء قهوة شاهي حلويات شيء ماشيات جاي ويديك فاضية

قلت أجل ليش القطة

<<< ذليت والدينهم بهالقطة

واللي جاء بعدي ولد خالي وجايب معه شاهي وقهوة وحلا يدفع البلا

وقالوا بلسان واحد شفت الناس

قلت لهم ليش الدعوة شغل حريم ورايحين لوحدة نفاس وجايين يقهوونها ...

انا دافع 100 ريال يابو الشباب

وبعد القهوة والشاهي والغداء جاء وقت السباحة وانا ماسبحت لأني ماجبت مايوه حقي

قال لي واحد فيه في سيارتي خذه قلت شكرا ماابغى عارف حركاتكم كلهم كانوا يسبحون عادي الا واحد

مدري وش فيه ؟؟؟؟؟

كلما طب يطفح مثل اللوح على سطح البحر بالضبط ... الشخص أسمر ومايطفح

وقلت سبحان الله أول مرة نشووف حبة خال في مسبح

وفي هذه الأثناء <<< متعوووب عليها هالكلمة خذت مني ساعتين يمديكم عليها ...

رحت أدور على شاحن لجوالي سألت ولد خالي قال في سيارتي أخذت المفتاح وجلست أدور على الشاحن

مالقيت إلا شاحن سيارة اتصلت عليه قلت أنت تقصد شاحن سيارة أو كهرباء

قال لي سيارة .. شغل السيارة واشحن جوالك .. وانا اشحن جاء ولد خالي الثاني اللي هو اخو صاحب السيارة

وقال لي يالله ودني لسيارتي في الورشة عشان أطلعها قلت مامعي إثبات ولا شيء كل شيء بداخل الاستراحة

قال لي أحسن شيء والمشوار قريب مو بعيد .. شغلة عشر دقايق

توكلنا على الله وبعد ماخلصنا وانا راجع فيه نقطة تفتيش المشكلة عشر سيارتي قدامي خلاهم يروحون

الا انا والوحيد اللي وقفني كانه حاس اني مامعي إثبات ..

الشرطي : إثباتك

أنا : مامعي نسيته في الاستراحة والقطة 100 ريال

الشرطي : استمارة السيارة

انا : لحظة ادورها لك لأن السيارة مو سيارتي

توني بتصل على ولد خالي بساله وين الاستمارة فيه الا قال لي الشرطي ترى مادوامنا الا عشان نمسك اللي مامعهم

إثبات بس هالمرة سماح توكل على الله ..

قلا شكرا وانا توني بمشي الا ولد خالي واقف جنبي ونزل والشرطي يقول له روح حرك وطلع ولد خالي إثباته

قال له الشرطي انا اطلب من هذا << المقصود انا وانت تعطيني إثباتك

انا سويت نفسي ما اعرفه ولا عمري شفته عقب الحركة اللي سواها ولا حركة محششين

وأول إشارة بعد نقطة تفتيش كان عندها طرارة << أي شحاذة وأنا أفتش على الاستمارة لقيت أربعة ريال في سيارة ولد خالي

قمت أخذت ريالين وأعطيتها اياها شكرا للك اني ما نمت ذيك الليلة في قسم الشرطة وزكادة ودفعة بلاء عن ولد خالي

لأن بصراحة سيارته شبهة يكفي بس اني انا اللي راكب فيها ..

وخليت ريالين سبحان الله احتياط يمكن ألاقي طرارة ثانية في الطريق

ولما رجعت وقلت لولد خالي السالفة شرق بالمويه زعلان عشان الريالين ..

وبعد العشاء سوينا مشابقة وصار فيها بعض الاسئلة الغبية من ضمنها

1. حيوان لونه أزرق يعيش على الأشجار بحرف السين

طلع سنجاب وللحين ماهضمت الجواب سنجاب أزرق أول مرة اسمع فيه

وانتهت الطلعة وكل واحد راح لبيتهم والفائض مارجعوه للحين ..

فواصـــل :

1. انعدام الرحمة لدى بعض الشباب عند الإصابات والنزيف ودوخات وإغماءات ..أثناء ممارسة كرة القدم والطائرة والسباحة

2. عرفنا قيمة البنات حيث أن الشباب لم يفرقوا بين عصير التانج والفروتي ولم يفرقوا بين الكزبرة والبقدونس

وشغلهم كله مطرسة في مطرسة ..

3. اكتشفنا انعدام الذووق عند الشباب في اللبس وعدم تناسق الالوان ..

4. تبين أن الشباب لا يستخدم شيء من الفازلين أو بعض كريمات ترطيب البشرة أو تتغيرها فلا ترى ألا السيقان الشهبة كعلامة للجودة ..

وانتهي يومي الحافل في ذاك الوقت .. أتمنى إني ما طولت عليكم

~ ¦ هًـمـْسٌ · 02-09-2006, 04:21 PM

عزيزي مثيــــر.. يشرفني اكون اول من يرد بس اصبر وراي مشوار شوي وبرد..‘’

DoOoOoDi · 02-09-2006, 04:51 PM

ههههههههههههههههههههههههههههههههههههههههههههههه

يـــــــــــــــــــلا حلال فيـــــــــــــــــكم عشــــــــــــــــــان تعرفووووووووون قيمـــــــــه البنووووووتــــــــــــات ................... تعيـــــــــــش وتــــــــــاكل غيرهـــــــــا مثيرووووو

بـــــس لا تنســـــــــى اذا ردوووولك الفــــــــــائض علمنـــــــــا لا تنســــــــى ......

<========= أقطــــــــع إدينـــي لو ردوووووولــــــــــك شــــــــــيء خخخخخخخخـ

~ ¦ هًـمـْسٌ · 02-09-2006, 05:21 PM

هلا والله مثـــير.. وعليكم السلام ورحمة الله وبركاته ..حياك الله..تو مانور بيتنــا..وينكم من زمان ماشفناكم..مابغيتو تجون..

<--- شفت شلون اخلاق ترد السلام كامل.. اقول انثبري احسن..

والله مثــير انتو يالشباب وناســه..بس والله قاهرتني ال100 مال القطه.. ليش مارجعو الفايض منها؟

<---- بالله شكو انتي..؟

وفيه شي بعد قاهرني.. باص المدرسه ليش تاخذونه..؟انت ماتدري البنات وراهم مدرسه .؟؟

<--- انجعمي المدرسه باجي لها شهر مدري اسبوعين ونص لاتسوين فاهمه

وربي فقعت ضحك على الحيوان الازرق اللي يعيش فوق الشجر وبحرف السين..؟

يالومك والله ماتهضمها اصلا ماتجي قلبتها يمن يسار فوق تحت اناظر منا او منا يابن الحلال ماطلعت معي ابد

<--- تكفين أص

بالنسبــه للفواصــل..

والله احسن ماطلعو معكم بنــات اقولك ليش..

1) يقعدون يحنون عليكم ويصجونكم وانتو طالعين تستانسون مو ناقصين نكد اسالني عن البنات مايعجبهم العجب ولا الصيام برجب

<--- تكفين انتي يعني مو بنت الحمد لله بس..الركاده زينه

2) البقدونس والكزبره هذي وربي يبي لها معجزه لين تطلعهم من بعض يعني ماراح تستفيدون منهم

<--- حس بالج كلهم نفس طينتج ماتعرفين كوعج من بوعج..؟

3) اما التانج والفروتي كلهم عصيــر اشربو اي شي المهم راحة البال وبعدين انت ماسمعت بالمثل الشهير اللي يقول (شبااب في رحله) يعني كل شي عادي مشي حالك يابن الحلال

<---- انواع العربجه الله لايبلاك (عمرك سمعت بمثل مثل جذي)

................

مثــير..

والله موضوع راائع واللي كاتبه دمه عسل.. الله يوفقكـ ويجعل البسمه لباسك يارب..

ولو سمحت الريالين الباجي بدرج السياره عطني اياهم ترى خلص الحبر وانا اكتب..!

وبعد اعتذر على الاطــاله بس والله موضوعك رووعه ودش مخي

<---- شدعوه؟؟

اي نسيت اقولك ترى نوم تحبك وموافقه روح تقدم لها رسمي ولايكون خاطركـ الا طيب..

تحياتي ياصاحب الافكــار..

همس المشاعــر..

نديم الطيف · 03-09-2006, 01:25 AM

حبيبي والله مغامره حلوه وانت احلى بس لو تسلفني الريالين اللي بقت في السياره ترى اخوك مزنوق هاليومين وباردها اول ماستلم الراتب(هذا وجهي لا رديتها)

شكرا وننتضر جديدك

2112 · 03-09-2006, 10:01 AM

شكرا وننتضر جديدك

~¤§¦ريشة إحساس¦§¤~ · 03-09-2006, 02:15 PM

همس المشاعــــر ..

وأنا بعد راجـــــــع لك ..

عشان أفصفص ردك الجميل ..

~ ¦ هًـمـْسٌ · 03-09-2006, 02:28 PM

اسمع اذا جيت هات لي معك فصفص مو تنساني وشاهي وصحن نحط فيه القشر عشان مافيني حيل اكنس عقبكـ..وبالمره نتونس

ولاتصرف السالفه ماراح انسى الريالين الباجي بالدرج..‘’

nada · 04-09-2006, 01:07 PM

مثير

مثــــــير

مثـــــــــــــــــــــير

ياااهلا و مرحبا بمن اتى

<<<< عيال الموووونتدى

مستااانسين بخشتك,,,

ماراح اجيب طاااري الفاااايض ... انتم بكيفكم فيه

بس يعني في حاااال رجعوه ,,, تراني اولى فيه من همس,,

و انت خااابر عاد جااامعه و ملابس و مكياااااج و كافتيريا <<< لوتلاحظ ماجابت

طاااري الكتب <<< يقولون اذا كان صااااحبك كتاب لا تقراه كله

>>>> يااابخت اهلي فيني

اقتباس


	وانا قلت لهم هالشيء لا تحاولون إني اجي معاكم الصباح عشان أذوق شكشوكتكم .. << أتحداكم تقولوها خمس مرات بسرعة

كشكوووشتكم

شتكووووكتكم

تكشوووشتكم

<<<< تحاااول تقولها 7 مرااات

طب لا تكشخ علينا ... حط عينك بعيني و قووولها 3 مرررررات

<<<< لاااصقه ذانها بالسمااااعه تبي تصيده

انا ماعاد اكل شكشوووكه بالبيض <<<< تكفين!!! للحين متأثره بإنفلونزا الطيوووور,,

اقتباس


	اول ما دخلت قالوا القطة يابو الشباب .. وانا مايحتاج كااااااااش ماتهمني 500 ريال هذي امسح بها طبلون السيارة

تب وش راااايك تمسح خشتي بوحده

اقتباس


	وبعد القهوة والشاهي والغداء جاء وقت السباحة وانا ماسبحت لأني ماجبت مايوه حقي اشوى ,,, الواحد هاليومين يخاااف يطلع سيقان تجيه عين,,