اذبح يمين القلب واطعن يساره....واقهر شعوري قد ما تقدر عشاني
واصنع من اجروحك بخفاقي حضارة....وازرع من اعنادك بإحساسي معاني
اجتاحني تارة وغيب ابعيد تارة....كل ما جرحت ارجع و جود ابجرح ثاني
قالوا زمان الحر تكفيه الإشارة....وانت ما يخفيك وقت بك بلاني
شفت ابسكونك حسن تملاه الإثارة....صديت واحساسي لجل عينك عصاني
حسنك شبيه اعصار ما بدل مساره....يسري ويجعل كل ما يآتيه فاني
ما به حروف ولاكلام ولا عبارة....توصف رموشك وانت حسنك شي ثاني
قلبي مدينة وكل باب وكل حارة....فيها تحبك يالرهيف الاسمراني
كان الحسن صورة فكحلك هو إطارة....وان كان هو مغنى سوالفك الاغاني
وان كان شمس بسمتك صبغة نهاره....وان كان بحر في ملامحك المواني
قلبي غريب وشوفتك ارضه وداره....مابين نحرك و المتون القى مكاني
مسكنك قلبي وانت يا محبوب جاره....وانت الحياة اللي سرت باجمل زماني
زايد جمالك عن حلى كل العذارى....وانت ابخفوقي زايد ابحبي و حناني
العرض العادي
