السلام عليكم ............ وعساكم بالف خير ...... القصه وما فيها إن قريب لي عنده موقع للدردشه الكتابيه وقال لي يوم
من الايام ليش يا سعود ما تدخل الدردشه وأبي أعطيك سوبر أحمر وهو أفضل شيء يعني اطرد اللي تبي وتسولف مع
اللي تبي وفوق كل هذا تساعدني ... بدل ما انت معذب نفسك بالمنتديات ...قلت فكني يا شيخ فاضي أنا لوجع الرأس..
وضحك وقال جرب وماهو ضارك شيء وجربنا وياليتنا ما جربنا ...
صرت ادخل الدردشه كل ثلاث ايام او يومين اذا مليت من المنتديات واضحك على الشباب المنتهين ولا فكرت اطرد اي واحد
اضحك واطلع ومع الايام صار كل شوي تجيني بنت ...هذي تقول اطرد فلان لأنه تكلم علي وهذي تقول اطرد فلان لانه
خرب الغرفه بكلامه الشين وهذي تقول ابي ادخل الغرفه رقم 3 بس مليانه شف لي حل ... وبهذلت مع البنات ومشاكلهن
اللي ما قضت بالبيت جايبينها معهم للنت ......
وفجأه وفجأه وفجأه.................
دخلت علي وحده اسمها نور القمر وسلمت وقلت يا هلا تفضلي قالت مليت من الدردشه العامه وحبيت ادردش معك وقلت
يا هلا والف هلا تفضلي قالت وش اسمك ومن وين انت قلت اسمي سعود ومن الرياض ... وانتي قالت اسمي قمر ومن
الرياض وعمري 26 قلت غريبه وش جابك للدردشه وانتي ماشاء الله عليك كبيره وفاهمه قالت اضيع وقت ... وسولفنا
ربع ساعه واستأذنت ... وبعدها بيومين دخلت الدردشه الا هذي هي طبعا انا ما ادخل الا بالسوبر الاحمر يعني مميز
اللون ..قالت وينك فقدتك ..قلت اصلا ما ادخل الا على فترات اذا خلصت من المنتديات ... وصارت تسألني انت كيف شكلك
انت طويل او قصير دب او ضعيف اسمر او ابيض وانا مستغرب .... وسألتها انتي كيف شكلك قالت ... على اسمي بالنت
واسمي الحقيقي قمر ...ويوم صار قلبي يدق وعرقت (( نور القمر واسمها قمر يا شيخ لا اترك المنتديات والاستراحات
والقهاوي وأرابط قدام الشات )) وصارت تحكي عن جمالها وأن البنات يغارون منها واذا راحت لمناسبه كل اللي
بالمناسبه .. وإنها صارت تخاف على نفسها من العين ولا صارت تروح للمناسبات الا نادرا ....والبنت توصف نفسها وأنا
مغمى علي ...
وصرت بالليل اتحلم فيها وبالدوام اهملت المعاملات ... خلاص حبيت قمر ... واذا طلعت من الدوام انبطح قدام الشات كني
أفغاني يابس من الجوع ... وإذا دخلت على طول انا وياها يا ماسنجر او خاص بالشات وعلى طول ارحب وأهلي وأقول
ياهلا بقمر يا هلابعمري يا هلا بقلبي يا هلا بنور عيني حرام عليك تدرين اني من بعد ما تعرفت عليك صرت ما اكل الا
كروسان وعصير ربيع علشان ما يقطعني شيء عنك ... وهي تضحك وتقول يالله عاد يا سعود .. وأنا انتفض وأرفس
كني دباب هندي يغسل سيارات ... وتأثرت بحبها وكل وحده تدخل علي تشتكي صرت اقول عيب المشاكل وجربو الحب
واستغربو البنات ... العاده مطنش ولا اطرد احد واضحك وهالحين صار ينصحنا بالحب ... الظاهر انهبل
وكل ما جت نور القمر سواليفها شعري لونه وتسريحتي كذا وعيوني لونهم كذا وانا باليوم اخذ دش ثلاث مرات ...وانا
اصيح واصيح وانطط ... ومع الايام قالت لازم نشوف بعض ويوم قالتها بغيت اطب من الدور الثاني من الفرحه ... وتواعدنا
بسوق كبير بالرياض فيه محل كوفي ... وجاء الموعد ورحت للحلاق وحلقت وتعطردت ورحت واتصلت وقلت وينك يا قمر
قالت أنا بالكوفي ويوم دخلت عليها ((( يا ساتر يا ساتر يا ساتر )))
السيد قشطه (فرس النهر )................... اااااااااااااااااه حرام عليك ليش كذبتي علي يا دبيه ... لا وبعد تقولين إنك نور القمر
وإنتي حفره بكوكب زحل .. ليش يا ابو الهول قبل لا يرممون وجهه .. ماتستحين على وجهك المدور .. عيب عليك أنا وش
سويت لك وهي تناظرني ولا همها جالسه تشرب موكا عساه ينكب على شعرها أم بكلات ... يالدبيه ياللي وانتي صغيره
راضعه من ام اربع وأربعين .. يابقايا عشاء هنود متخلفين ... يا آخر سطر براساله خدامه اندونسيه ... يا..... يا.....
وهي ساكته ويوم خلصت من الكلام الا تعبت ما خلصت ...قالت حتى انت وجهك شين حرام انك محلق بخمسة ريال كان
متبرع فيها لفلسطين ... وبعدين تحسب نفسك زين ..تدري ان بطاقة الاحوال حقتك حاطين بدل صورتك منظر من أبها
يوم دخت صدق .. بغيت اروح اجيب العفريته وأفقع رأسها ...
قلت اسمعي انا بروح للشقه وابي الغي السوبر واحذفك من الماسنجر والغي رقم جوالك ولا عاد اسمع صوتك يا كذابه
قالت .. لا ترفع صوتك يجينا احد قلت .. عادي لو اي واحد دخل انا سائح وانتي الاهرامات يا دبيه يا كذابه ...
أنا ابي اروح بس بليز وأرجو لا تكذبين على الناس ومع السلامه .. قالت طس وطسيت ,,,,,,,,,,,,
ما يستفاد
1- انك لا تدخل الدرشه الا اذا انت بايعها
2 - ان الكروسان يسبب انتفاخ بالبطن
3 - ان افضل شيء الزواج وبس ويا ليت من قرى سوريا هههههههههههههههههه
وسلامتكم
s3s32006@hotmail.com
العرض الشجري
