المطاعم طريقك الي المستشفيات

[ياكثرك]

مافيه احد منا ما جرب المطاعم لأنها صارت تقريبا أفضل طريقه لتغير الروتين في الأكل وفي بعض الناس مجبور على المطاعم
مثل ألي متغرب لدارسه أو دوام أو زوجته ماتعرف تطبخ بس فيه جانب خفي في المطاعم يمكن كثير من الناس مايعرفه (التستر)
يعني مثل يكون المطعم ملك لسعودي يعطيه عمال يقولهم مثلا أهم شي أجي أخر الشهر وتعطوني 20 الف والباقي لكم
إلي يهمنا في الموضوع أن الشي هذا سبب بلاوي بالنسبه لنظافه المطعم صار هدفهم الربح وبس
فهم يخذون ارخص أنواع الدجاج واللحوم وارخص أنواع الزيوت لاتستبعد أنهم يقلون البطاطس بزيت دابر املآ الذهبي ولا شل سوبر يطلع عليهم ارخص

والزيت مايغيرونه إلا إذا صار لونه اسود ومواعين الأكل تصير مطار للحشرات والذباب ولاتنغسل بشكل دوري
وارخص أنواع الخضار حتى لدرجه أني مره كنت عند محل كبير حق خضروات المهم لقيت فيه عنده كذا ركن فيه
خضار طالع لها ريحه سألته قلت ليش هذي الخضار جامعها هنا تبي ترميها قالي لا أبيعها على تجار المواشي وحقين المطاعم
يعني يشترون خضار شبه متعفن عشان يطلع عليهم ارخص كنهم
والدليل افتح كل يوم صفحات الحوادث في الجرايد أكيد تبي تلقى خبر تسمم غذائى من المطاعم
ياليت كل مطعم يسوي كذا يعطي الزبون مع كل وجبه يبيعها ورقه مراجعه لدكتور باطنيه عشان يسوي غسيل معده
عشان مايصير زحمه عند المستشفيات

على فكره مو كل المطاعم كذا فيه مطاعم محترمه بس الأكثر يصير فيها كذا
أنا عندي حل حلو يصير فيه وظيفه بكل مطعم اسمها (مراقب نظافه) وياليت تكون للسعوديين خاصه المطاعم الكبيره
الي عنده افكار حلوه او تعقيب يشارك

*·~-.¸¸,.-~*بقلم ياكثرك*·~-.¸¸,.-~*

[الهدار]

ياكثرك

اخي الكريم

مقال جميل

والمطاعم بيت الداء

سواء عاجل أو آجل

أكل البيت ما أحسن منه

شكرا لك

اخوك الهدار

[أسيرة السآمر..~]

اقتباس المشاركة الأصلية كتبت بواسطة ياكثرك ياليت كل مطعم يسوي كذا يعطي الزبون مع كل وجبه يبيعها ورقه مراجعه لدكتور باطنيه عشان يسوي غسيل معده عشان مايصير زحمه عند المستشفيات *·~-.¸¸,.-~*بقلم ياكثرك*·~-.¸¸,.-~*

ههههههههههههههههههههه
تخيل عااد

..

والله فكره حلو يخلون مراقب ع النظااافه

بس اتوقع انه في مراقب

وفي ناس متخصصين يمرون ع المطاعم كل شهر

بس احنا نبي يومين





يعطيك العااافيه مووضووع في غاية الرووعه

[ياكثرك]

اخووي الهدار


كلامك صحيح اخووي

والمطاعم يعني يخلوونها لضروره او مره مرتين في الاسبوع كتغير روتين

مو كل يوم غدى عشى فطور البيت اضمن والواحد يشتري صحته


دائما ردودك تثري الموضوع

الف شكر لك اخووي الهدار ولاتحرمنا من طلتك


أسيره السامر

اكيد فيه مراقبين من البلديه بس تخيلي مراقبين البلديه في الرياض

بالعشرات والمطاعم اكثر من 50 الف مطعم يعني وش المراقب

افضل ان تكوون الرقابه ذاتيه مداره من البلديه يعني تفرض عليهم

مراقبين نظافه وجوده

الف شكر لك اختي على طلتك

[أمـ"القلوب"ـير]

انا اشتغلت في البلديه وقت الحج

وكنت في قسم الصحه

يوم انك تدخل على المطعم تشوفه من برا ما يعلا عليه

لكن اذا دخلت تتقزز من المناظر الي تشوفها

والله الدجاج يكون في حوض الحمام

الزيت لايغير الا نادر إذا تغير وجرت العاده ان الزيت القديم يظاف اليه الزيت الجديد فيختلط

حين يكون المطعم عليه اقبال كبير فاعلم ان المطعم من الداخل غير مخصص لكي ياكل منه الانسان لانك تجد اهتمام بالزبون ولا تجد اهتمام بالنظافه

المطاعم هي بيت الداء :
النظافه الشخصيه للعامل
انظر الى العامل هل شعره طويل فإذا كان طويل فانت اعلم ماقد ينزل من شعره على الاكل
النظر الى اظفر العامل فإذا كانت طويله فانت اعلم ماقد يكون تحتها من جراثم وبكتريا
قد تكون معديه او خطيره
انظر الى يد العامل قد تكون مجروحه فإذا كانت مجروحه فانت اعلم بما يسببه جره الذي بيده

بالعربي اكل البيت مافي ازين منه

لاتقول انك عزابي فإذا كنت عزابي تعلم الطبخ
وإذا مالك خلق تطبخ اشتري فطيره لوزين ازين لك وحفاضا على سلامتك

[العالم_المجنون]

والله صدقت اخوي ياكثركـ ولكن من يعي هذا الكلام ,
الحين بعض الحريم((ما ابي اقول اكثرهم)) يجي الرجل المسكين من الدوام يلقاها نايمه ..!
والله سالفه ,وهات يامطعم .....
وهم مادروا عن كواليس المطعم المبدع..!!
اما العزابيه الله يعينهم عذرهم معاهم,,,
دمت بوود

[ROPY]

السلام عليكم ورحمة الله وبركاته،،،،

يعطيك الف عافيه عالطرح المميز والقيم،،،

تقبل مروري مع خالص تحياتي،،

ودمتم

روبي

[ღقطــرية كــوولღ]

مشكور ياكثرك عل الموضوع المفيد