المقدمة :
غافلة بالحب هايمة , فترات العشق عندها متعددة , اليوم تحب وبكرى تكره , المهم تملأ ذاك القلب , حتى تتخمطر ,
كذا تحس أنها محبوبة ومن الكل مرغوبة , هنيالك يابنت , أفرحي لحظات وأبكي سنين .
المدخل :
النسيان وفقدان كل ماهو مهم , أو بمعنى آخر ما اكتسب الأهمية بسبب محتواه .
الحكاية :
جوال شاب فقده بسبب سرقة أو استبدله بجوال آخر واستغنى عنه بريالات تجعله على ارفاف محلات الجوالات يغري ,
كل من يرغب باقتناء جوال بسعر معقول وضمان مريح .
فاصلة :
الثقة المتبادلة بين العاشق والمعشوقة .
الدليل :
طمأنينة المعشوقة , وتسليمها كل ماهو مهم , من صور ومقاطع تعنيها , دون أي تفكير بعواقب تأتي لتبيد الشرف ,
ولتقتل أسرة كاملة , بسبب شهوة مؤقتة , بنيت بسبب الفراغ أو الحب من أجل الحب .
المهم ما علينا ياحبيبي ما علينا
نجي للأهم
برامج تبث الثقة والطمأنينة في نفس كل من يقتني جوال
الحارس الشخصي :
أكذوبة من خلالها يأمن الشاب والفتاة كل ما يحمل الخصوصية من صور ومقاطع لمحبوبها أو محبوبته ما يهم
وإن كانت الحكاية أشد وقع على المحبوبة .
التسجيل :
أبدعوا بابتكار البرامج كانت الحكاية مكفوشة بالماضي وذلك من خلالِ معرفة التسجيل بإصداره أصوات ونغمة
تتردد كل خمس ثواني , الآن ما يخلوا موقع جوال من عنوان لبرنامج (( برنامج للتسجيل بدون طوط أو نغمة ))
والمصيبة يكتبون أسفل البرنامج أرجو استخدامه فيما يرضي الله وأنا بريء من الاستخدامات السيئة
شيء يضحك
المهم ما علينا ياحبيبي ما علينا .
نجي للذاكرة :
البعض يحس بتأنيب الضمير ويشعر بأن صورة أو مقطع لحبيبته المزعومة راح ينتشر إذا أضاع الجوال , هنا يبري ذمته
ويبدأبإعادة تهيئة الذاكرة ومسح كل مافيها , وآآآآآآآآه من هالحركة اللي تخليه يبيع الجوال وهو يبتسم ويكاسر
بعشرة وبعشرين عشان يرفع سعره , وما يعرف أنه حياة إنسانة راح تنفضح وينخرب بيتها بسبب تكنلوجيا تتطور
لتدهور كل مايتصل بالعفة .
هنا أنبه :
إعادة التهيئة للذاكرة تطمس كل شيء ولكن بإمكانك استعادة كل شيء من خلال برنامج .
طيب شلون :
أنا أقولك يامجرم إيه أنت ياللي تستغفل هذي وذيك .
نرجع لمنتديات الجوال مايخلو منتدى جوال من موضوع مثبت ومقيم بخمس نجمات ومعنون (( ألحقوا برنامج يرجع كل شيء بالذاكرة )) والغريب يكتب نفس العبارة اللي بالبرنامج أعلاه أرجو استخدامه فيما يرضي الله وأنا بريء من
الاستخدامات السيئة .
هنا أتساءل :
طيب ليش تنزله وليش تنشره , يمكن يبغا ردود ويمكن يبغا إشراف ويمكن يبغا يتميّز .
المهم ما علينا ياحبيبي ما علينا .
أتكلم معكم هنا من خلالِ تجربة لهذه البرامج اللي كفيلة بخراب أسرة كاملة
سويت إعادة تهيئة للذاكرة ولقيت كل اللي حذفته وإن كان بعضه ما ينفتح إلا ببرامج أخرى .
يعني الحكاية تتطور .
نجي للهاتف :
البعض يضع فيه كيبل موصل من الجوال إلى الكمبيوتر ويستعيد كل شيء بالجوال ولو سويت له فورمات .
المهم ما علينا ياحبيبي ما علينا من كلام الناس ما علينا .
نجي للمصايب اللي حاصلة والبلوتوثات المنتشرة .
ياترى ما عمرك تساءلت وقلت ياترى وش مصلحة هالشاب أو هالفتاة بنشر هالمقاطع أنا أقولك :
أترك عنك أنه يبي يفضح البنت أو البنت تبي تفضح فيه هذي نسبة لا تتجاوز 1% من هاللي منتشر
وهم هذولا مخربينها وماعندهم شيء يخسرونه ومتساوية معاهم .
النسبة المتبقية 99% انتشرت مقاطعهم بسبب هالبرامج واستعادة المفقودات .
هنا أطرح قضية يغفل عنها الكثير رسائل الوسائط :
هذي مصيبة كبرى البعض يتبادل من خلالها الصور العايلية والصور الخاصة وما يعرف أنه قبل ما توصلك الرسالة
تنزل في موقع mms وإذا ما قدرت تفتحها تقدر تفتحها عن طريق الإنترنت , ياترى هم مأمنين الموقع بتأكيد أيه
لكن فيه ناس متسللة تأخذ كل ماهو جديد , لكل تقنية مصايبها.
يعني تتوقعوا الشبكة عندنا حقت الجوال أو موبايل ما تشربك الخطوط وأحياناً توصل رسائل مهي لك وخاصة في الأعياد
المهم ما علينا ياحبيبي ما علينا
الغاية من طرح الموضوع :
أرجعوا للجوالات القديمة الغير مدعمة لا بوسائط ولا بلوتوث .
وأتخلصوا من جوالات الكاميرا بإتلافها أو بيعها
وأي شخص يبي يبيع جواله بسعر منخفض
يحط عندي خبر وشرط أطمس كل شيء بجواله
وأكسبه
المهم ما علينا
كثرنا هذرة
سلالالالالالالالالالالالالالام
العرض الشجري
