حنا عرب ماكان يلحق بنا العار=والحين عيني ماتشوف العفافه
ماهو جميع القش يوقد به النار=لكن زحامه زاد حمل انجرافه
لا طاح واحد طاح وياه اوتار=والي اريده صرت ذا اليوم اخافه
قالوا تطور قلت ياسعد من طار=وامسى على العالم ينمي الثقافه
اثر القصد لوك البديوي بالاسحار=لالبس بنطاله وغنى بضعافه
المجتمع ياناس يحتاج اعمار=يحتاج دين لاجل يخلق نظافه
تكفي سنين البرد في شد الاعصار=يوم البعض صارت يدينه لحافه
شيلو هممكم ياضعيفين الاقدار=ابنو مساجدكم وخلو الطرافه
انا كماكم صار فيه كما صار=لكن عيوني فو مثل الزرافه
اشوف راصد قد تخبأ بالاشجار=واحنا زهور وخايفين اقتطافه
ولا اقول انا ملاعين واشرار=نخون بقطيع تشابه خرافه
صدام راح وباقي يتلاه بشار=وبعدها رعياننا بالوصافه
مادام نسرح دون حتى تفكار=والهم الاكبر جمعنا للعلافه
ماقول غير الله يانعم ستار=انه هدؤء الذنب سابق عصافه
ماني بشحوب الوجه ياتو الاظفار=ولاني بمتشدد وماخذ طرافه
لكن رسولي قال واصدق الشار=ان كما قصعه تلاقف لقافه
صرنا نناظر للفتى وفق منظار=انه بدين وبحاجة للنحافه
يالله ياعالم بنا كل ماصار=ترحم عبادك صابهم من الضعافه
صار الخطر بالفعل هو حمل الاخطار=افه على الاسلام ياكبر افه
ارجو ان تكون خاليه من اخطاء الوزن والقافيه لاسيما واني باول المشوار(اتقبل النقد)
العرض الشجري
