يانجوم الليل في صدري نحيب =وابتسامه في معانيها عتاب
مادريت اني بها الدنيا غريب= لين ميزت الخطا هو والصواب
ياعجايب منك يالوقت العجيب =كيف صار العمر وايامه سراب
اقنعي يانفس وارضي بالنصيب =ماعن المكتوب في ذاك الكتاب
يارفيق الروح تكفى لا تغيب =صرت اشوف الكون من بعدك ضباب
من هموم الوقت في قلبي لهيب =وفي حروفي يالغلا صوت انتحاب
أن كسبك الحظ كل جرح ٍ يطيب = وان فقدتك انفتح للهم باب
هو يصيب الحظ والا مايصيب = الوكاد اني بريبه وارتياب
حارت افكاري وحيرني الحبيب =احتريه وحار واحتار الجواب
لا حشا ما اركض لها في جلد ذيب = ينكسر لعيونها تسعين ناب
تنتصب قامه ويخسى كل عيب = طاهر الاحساس عمره ما يهاب
منزلك عالي ومن قلبي قريب =وكل شعور ٍ لاهجرتيه اغتراب
العرض الشجري
