عشـْق الأصيلة
سلَّ السيوف وللعدو جَهّز الخيل
يا قلب .. حارب من بحُبّك تبلاّ
كانه على بُعْد السما يملك سْهَيل
أنا اشهد انـّه للمشاعر تولاّ
يبغاني امسح دمعتي واسهر الليل
لا والذي من فوق عرشه تعلاّ
أنا كرَهْت الحُبّ والعشق والويل
وقلبي عن دروب المحبة تخلاّ
كبّلـْت انا احساسي عن الحُب تكبيل
ما ابغا اختبر حُبّك وَلا باتغلاّ
وما هَمّني مَن ردّد القال والقِيل
الناس دايم في بعَضْها تسلاّ
وْلا لا تظن الحَرْب عندي تساهيل
بهزمْك لو جيشك على القلب حَلاّ
أنا ليَا منـِّي نخيت الرجاجيل
وَراي رَبْعٍ في سماها تجلاّ
عْيال وايل ما رضوا بالبهاذيل
الكل منهم بالمراجل تحَلاّ
وترَا الأصيله عِشـْقها يتعب الحَيل
ويا كم عزيزٍ من ورا البـِيض ذلاّ
رياح الوفاء
قـــمـــأأأـرـرـرـري
العرض الشجري
