للعيد فرحه .. كنّها فرحـة العيـد
ترسم على وجيه الخلايق سعـاده
فرحه لها بيـن الأحبـه مواعيـد
تجمع قرايـب والتواصـل عبـاده
بعض البشر حظه مع العيد تنكيـد
وصارت حياتـه زايـده بالنكـاده
مثل السجين اللي قطع رجله القيـد
وعيد الفقير اللـي حياتـه قـراده
وعيد الحزين اللي حياتـه تناكيـد
وعيد الجريح اللي حياتـه جـلاده
وعيد البعيد اللي طفح دونه البيـد
وعيد المريض اللي طريح الوساده
والعيد عندي بين حـزن وتناهيـد
مابين هات علاج وراجع عياده .. !
العرض العادي
