اتمنى ان تنال على إعجابكم
صلوا على النبي
كتبنـي الشعـر وانـا طفـل وكتبـت الشـعـر وانــا رجــال=وكتبـنـي الـهـم فــي صـغـري وكتـبـت الـهـم فاشـعاري
انـا الشاعـر .. انـا الفـارس .. وانـا فــي دنيـتـي رحــال=وانـا اللـي كنـت اقــول الـلـي يعذربـنـي مـاهـو بــداري
انـا مبـارك .. انــا الـبـداح .. وانــا متـنـي يشـيـل جـبال=اشـيـل الضـلـع فــي كـفـي ودمـعـي يـحـفـظ اســراري
اسيـر الصمـت والحـرمـان .. اسـيـر الـحـل والتـرحــــال=واسـيـر البسـمـه الـلـي مــن وراهـــا تـشـبـه امراري
اقــدم للحبـيـب الـلــي يـبــي وارخـــص له الامـــوال=وابــيــع الـعـمــر لـعـيـونـه ولـعـيـونـه انا شـاري
ابـيــع الـجــرح والآهـــات وابــيــع الـلـيـل والموال=وابـيــع الـلــي يسـهـرنـي ويـسـهـرنـي وانا ســاري
انـا امـشـي بـعـز الشـمـس . . . .انــت الـلي عليك اضلال=انـــا تحـرقـنـي الـرمـضـى. . . . وانـت تضحك ولا داري
انــا الـلـي كـنـت فــي قلـبـك عـزيـز وغـالي الـمنزال=وش الـلـي غـيًـرك يـابـو عـيـون وســاع وش الـطـاري
جمـيـع الخـلـق تتسـابـق عـلـى جرحـي وانـا مـنـطـال=انا الموطـن .. وانـا الغربـه ..وانـا اللـي بتكثـر أسفــــاري
انـا الواقـف .. انـا الصامـد .. وانـا صـدري يهـد جـبـــال=وانـا الصامـت .. علـى حـقـي واقــدم كــل أعـــذاري!!!
انــا الدمـعـه .. عـلـى خــد اليتـيـم الـلـي تبي تنهــال=وانـا الشهقـه .. بحلـق الـورع يـوم انـه طـرى الـطــاري
انـا الحاكـم .. انـا المحكـوم .. انـا امشـي دروب طــــوال=انا المحكوم .. انـا الحاكـم .. وانـا اللـي يصـدر افكــــاري
انا المجروح .. من الفرقى وانا المجبور ..على التـــــــرحال=وعـجــزت ألـقـالـي ..مـاريــه.. وصـوبـهــا بمعياري
مبارك القحطاني
الجرح الكبير
العرض الشجري
