عرفتك والهوى لعبه تبادلها يدين اطفال
عشقتك والهوى موت وصهيل ومعركه وخيول
تمنيتك وانا يمنى تعلم مدة الفنجال
قصيره عن مطامعها طموحه تكشف المجهول
تمشيني عصى جدي تقول الدرب يارجال
تعطيني من علومه عن الدنيا بعرض وطول
انا يا بنت في زندي نقشت المرجله تمثال
والى منك دعيتيني يجيك الفعل قبل القول
انا ما فزت في حبك بهزة مسبحه وعقال
انا اخذتك غنيمة معركه فيها تطيش عقول
بعد هذا ترى ماني مفرط بك على اية حال
واذا لك فارس غيري تراه بخنجري مقتول
ملاحظه : هذه القصيده من اختياري عساها تعجبكم وهي للشاعر : عبدالله الجهني .
هذي الملاحظه علشان لأحد يقول أني سارقها __ على العموم عساها تعجبكم وان شاء الله نتواصل في هذا المنتدى .
هذي أول مشاركه لي في هذا المنتدى وان شاء الله القادم أحلى .
العرض العادي
