مدري ورى حلو الليالي قضنيا = لاجيت أبضحك يطري اليوم غالي
عنه الظروف القاسيه كم حدنيا = وعزي لقلبي كان هو راس مالي
عز العيون اللي عليه أذرفنيا = وشفني بعينك كيف لامن طرالي
أوجاع قلبي لاطرالي لفنيا = ثم أعتزلت الناس وأجلس لحالي
أرقا على رجم والاقدام عنيا = من كثر مرقا الرجم والرجم عالي
ماكنهن عن مارقيته درنيا = رجم ردمته بالقدم وأستوالي
بنات فكري لاسهنيا سهنيا = أسج مع وقت ن تعدى مضالي
الله وأكبر ياليال ن مضنيا = أسرع من بروق السحب فالليالي
المضلمات اللي عليه أحزننيا = لاشفت برق ن في دجا الليل بالي
تطري عليه اللي ضحكت وأبتدنيا = في خافق المشتاق وش هالجمالي
سواه رب الكون فيه أستونيا = أحسن محاسن من عزيز الجلالي
ليا أقبلت كن البنات أنتهنيا = وليا غدت مامثلها أول وتالي
حسبي على الايام كان أبعدنيا = عنه بعد ماكنت أشوفه قبالي
العرض الشجري
