سلاااااااااااااااااااااااام
جايبة لكم اليوم مواقف من صنع هالمبزرة الي فشلو أهلهم .. وحطوهم في موقف لا يحسدون عليه..
تقول وحده من الأمهات .. كنت معزومة على حفل عشاء فأخذت ابنتي الصغيرة معي ،فلما جلسنا حول البوفيه ظنت انه مطعم وقالت بصوت عالي : هذا الأكل بفلوس و إلا ببلاش؟؟
فضحكوا عليها الحاضرات
********************
والثانية .... جانا ضيوف وجابوا معهم هديه للمولود الجديد فكان ابني يريد فتحها فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل وقال بصوت مرتفع
(خلاص بفتحها شكلهم بينامون عندنا)
********************
وقالت وحده بعد ... ذهبنا في زيارة لعمات زوجي ، وحده منهم كبيرة في السن . قلت لولدي حب رأسها فرفض وقال : ريحة رأسها خايسه
-يقصد الحناء- شوفوا الإحراج اللي صار لي
********************
كما قالت.. جاتني وحده من صديقاتي وكانت ملامحها تشبه دول شرق آسيا فجلست بنتي تطالعها بقوة ، ولما قلت لها عيب ردت وقالت : شكلها شغالة
********************
أما هذي من جد يبغالها بالشنطه على رأسها... مرة أخذت من أختي شنطه ورحنا لحفله ومعنا بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة
وهي تقول : شنطة ماما هاتيها
وأنا أحاول أسكتها
********************
و وحدة تقول .. زوجي كان عنده ضيوف على العشاء وحطيت العشاء كله لهم ، وكان ولدي يبي يتعشى قلت له: إذا خلصوا الرجال بنتعشى.. رحت أسوي لهم الشاهي .. راح ولدي دخل على الضيوف وقال لهم
( لا تخلصون العشاء لأنا بنتعشى أنا وأمي بعدكم )
شوفوا وجه أبوه وقتها
********************
وحده تقول ....بنتها دايم تحرجها بنقل الكلام قدام الناس – هذا عيب اللي يحش بالناس - تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جات ، تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي ، وجاتها بنتي الصغيرة وقالت بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت
تقول الأم : صار وجهي مية لون ويوم سمعت جارتي هذا الكلام زعلت وطلعت من البيت
********************
تقول أخرى ....هذا موقف حصل لي ومع أقاربي : كنا بنصلي المغرب جماعه في إحدى الاستراحات وكان أمامنا طفلين ، الأول يقول للثاني : أنا اسم أمي فاطمة ، ايش اسم أمك انتا ؟؟؟؟ يرد عليه الولد الثاني وهو أصغر منه بكثير : ( اسم أمي ماما ).. وهاتك ضحك واحنا نصلي استغـفـر الله ما قدرنا نمسك الضحكة
(حتى الأطفال عندهم هالعقدة؟؟)
********************
في المدرسة ...كانت المعلمة تشرح لطالبات الصف الثالث الابتدائي عن وسائل
الاتصال الحديثة مثل الهاتف والتلكس والبريد الجوي والفاكس فرفعت إحدى
الطالبات الصغيرات يدها وقالت: أبله احنا عندنا فاكس في البيت عند جدتي وتستعمله كل يوم!! فشجعتها المعلمة على إكمال حديثها وقالت: وكيف تستخدمونه؟؟؟ فقالت الطفلة : تدهن به
البنت بالطبع كانت تقصد دهون الفكس
********************
إحدى الأمهات اعتادت أنها ترى ابنها الصغير يطارد الدجاجات ويدخلها إلى محلها ويحرص على إبقاء الديك في الخارج
وعندما سألته عن السبب قال :
ذولا حريم ما يطـلعـن من البيت ويشوفن الرجال (ياساتر .. من أولها كذا؟؟ الله يعين الي بتاخذه)
********************
جاء بيكحلها عماها ...
دعيت العائلة للعشاء عند أحد أقارب الزوج وأثناء تناول
الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تتمنع.. فرد الطفل بلهفة لإنقاذ أمه من المأزق :
لا تحطين لها صحن ثاني ترى بابا يقولها لا تكثرين أكل انتفختي
هذي مواقف نقلتها لكم .. والي عنده زود لا يصير بخيل ..
ان شاء الله تعجبكم
مع تحياتي .. أنا رزة
عليهم حركات
العرض العادي
