ابي حل لصديقتي

[الحلوة]

السلام عليكم
و الله يبعدكم انشالله عن المشاكل و يحل لكم كل شي بالسهل
..
السالفة و مافيها
عندي صديقة عزيزه علي وايد وايد
و مشكلتها انها تحب واحد و هذا الواحد يحبها
و اختلفوا على موضوع سخيف بسببها و حااولت انها ترضيه لكنه قال ان اللي براسة لازم يصير و كلمتة وحدة و إنه ما يبيها

..
المسكينة واعدته اليوم و عطته كل صورَه ْ
و افترقوا !!
المسكينه تحبة و يحبها بس راسه يابس
..
الرجاء من الاخوة الرد بحنية و عقل عليها
علما بانهم صار لهم سنتين يحبون بعض و اهل الولد يعرفونها و يحبونها و في ما بينهم زيارات متبادلة

[سارا]

مرحبا..

والله اختي الحلوه قولي لخويتك(( من عافنا عفناه لو كان غالي))..

وبعدين ماتجي في البال انه يحبها وبكل بساطه يتركها مهما كانت الاسباب
سواءمنه او منها..
وقوليلها لو انه يحبها جد مافكر مجرد تفكيربانه يتركها وقوليلها كرامتك فوق كللللللل
شي حتى لو كان حبها...
وغير كذا قوليلها هذا حب عيال اليوم _احبها احبها وفي النهايه يتركها_

مع تمنياتي لصديقتك بالتوفيق..

تحياتي لك

[غــــــالية]

فعلا ..كلام سارا صحيح..انا أيدها يالحلوه..صدق هذا حب عيال الييوم..وسعي صدرك بالحكي..ولاجا وقت الجد على قولتهم..ماتاخذين منه الا التراب بوجهك ..وانتم بكرامه..هذه الحقيقه..وتبوون الصراحا يابنات..والله العيال مع احترامي للي يقروون..اتركيهم يجوون وراك..لكن روحي وراهم انتي يسفهوون باللي جابك..والله هذا السيستم حقهم صدقووني..وبسس..انا برايي تسفهه..وقولي ماقالتها غاليه يالحلوة..ان ماجاء يررركض وراها ويتمنى رضاها..وقتها اذكريني بس بالخيررر وانا وخيتس..

[أميــرة السراب]

بسم اللـــــــه الرحمن الرحيم

السلام عليكم ورحمة الله وبركــــاتة

تبين الصراحـــــة أنا أستغرب من البنات اللي للحين يضيعن

عمرهن ويركضن ورى السراب اللي إسمة الحب على العموووووووم

أنا لو أبي أتكلم عن الحب الحقيقي ماراح أخلص المهم::::::

ياأختي إذا كان هو يحبها ليش يبي يتركهاااا؟؟

إلا إذا كان في شغلة في بالة ويبي يتركها علشان مايجرحها بهذة

الشغلة ممكن هو يبي يتزوج أو حــــاط في بالة شغلة ثانية

ويبي أي حجـــة علشان يتركها والرجال يدور البنت الرزينة

موووو تقط وجهها علية((من باعنا برخيص بتراب ينباع))

بس تدرين الحــــب ماهو مذلــــة

وإذا كانت هي غلطت العذر يكفي والحبيب قلبة كبير على محبوبتة

مايرخصها تظل مكانتها بقلبة كبيــــــرة طول العمر

وبعدين هي شافت بعينها أو سمعت بإذنها أهلة وهم يمدحونها

ولا إنهم يبينوووون لها غلاها عندهم؟؟؟؟؟؟؟؟؟؟؟

حطي في بالك مليـــــون شغلة وإطرحيها لها

شنووو نهاية هذا الحب ؟؟

شنوو نهاية الزواج اللي بدى بخيانة؟؟!!!!!!!!!!!!!!!!!

وأنا ما ودي أطول عليك علشان ماأضيق خلقك وأتمنى ماتزعلين

منــــــي على العموم بأعطيك نصيحـــــــــــــــــــــــة

وأتمنى إنك ماتضيعينها ووصليها لصديقتك إذا كانت هي صج

تحبة لازم تبعد عنة لازم تبعد عنـــــــة وتشوف حياتها

وتشغل نفسها بشغلات تنفعهااا بالدنيا والأخــــرة لحد

مايجي نصيبها!!!!!!

وأتمنى لصديقتك التوفيق من البارىء عز وجل

كن كالسماء ينظر إليها ولا تكن كالأرض يداس عليهااااااا

وتحيـــــاتي لك إختـــك

حـــالمة

[*عاشقة الاحلام*]

السلام عليكم ورحمة الله وبركاته
حبيت اقولك ان اللي يحب حب حقيقي مستحيل يترك حبيبته حتى لو ايش صار حاولي تفهمينها انه هو انسان كاذب ملازم تصدقه او تزعل على شانه وحاولي تكونين معها مو ضدها واسمعي كل شي تقوله حتى لو قالت لك ابيه الحين او اشتقت له والله يعينها ولازم تسمع اغنية عبدالله الويشد وتطبقها ( اللي نساك امساه واللي هواك اهواه واللي قدر على فرقاك اقدر على فرقاه لاتشتكي وتلوم عمر الحزن مايدووم والعمر فيه كم يوم حتى تعيشه باااااااااااه )
اسفه على الاطاله
اختك : عاشقه الاحلام

[الحلوة]

صج ان معاكم حق بكل اللي قلتوه و إن اللي باعنا برخيص نبيعه بتراب !!!
و الله ان البنت الحين بالمستشفى صار فيها انهيار عصبي من الصدمه ماني قادرة اقنعها و اهلها مصدومين !!
تقوللي انها حاولت تكلم ولد عمته و قال لها ان الولد خلاص لازم تنسينه !!
اللي يبكي بجد انها لما شافته و عطته صوره واغراضة قال لها هذي اخر مرة اشوفج فيها !! :(
والله البنت الحين ولا كلمة تنطق فيها !! على طووووووووووول بكي و صياح !!
شسوي اكثر !!
والله اني اعزها !!

اختي الحلوه اسعد الله اوقاتك بكل خير وجعل ايامك كلها سعادة وهناء فجميل هذه المحبه والصداقة التي تجعمك بهذه الصديقه المسكورة الخاطر فقلما نجد مثل هذه الصداقه ولكن اختي انا قرأت بتعمن هذه الخاطره التي طرحتيها وقرأت ايضاً تلك التعليقات من جميع الاخوة ولن اضيف فهم كفوا ووفوا .
ولكن اختي اتمنى ان تنقلي لها هذا الرد مني لها .
[مسكينه تحترق وتتمزق فقد هجرها حبيبها وغابت عنها البسمه تصبح على الدموع وتمسى على الالم تتكلم حزناً وتتحرك بكل هموم الدنيا ضعيفه لم تطق البعد ولم تقوا على الفراق اكتوت وجنتاها بالدموع وهاهم يحملونها من طبيب الى طبيب ولاتغادر سريراً فى المستشفى حتى يدخلوها مستشفى اخر0
وكثيره هي الاحاسيس التى ( تنحر ) او ( تقتل ) او تترك لتتمزق وتموت ببطء اتعرف اخي القاري لماذا ؟
لآن الانانيه او السلبيه سيطرت على علاقاتنا الانسانيه ونحن . نحن الذين نحمل فى داخلنا الاحاسيس نقدمها فى طبق من ( البلاهه) والثقه العمياء الى انانياتنا وسلبياتنا حتى اذا اشتدت تلك الانانيات اخذنا ننوح ونندب واخذنا نتلقى نظرات العطف والشفقه على حالنا نتلقاها كالسهام المسموعه من غيرنا فهي ليست للشفقه او للعطف بحالنا بل هي سخريه لتفريطنا فى احاسيسنا بهذه السهوله 0
اخواني :ــ احاسيسنا ليست لعبه يتداولها الانانيون والسلبيون وعواطفنا ليست رخيصه نسلمها الى الذين لا يشعرون بها ومصيبه ان نجري خلف من يتركنا وكارثه ان تتسكع احاسيسنا باحثه عمن اهملها ولم ينظر لها وفاجعه ان نسلم عواطفنا هديه لمن يركلها 0؛؛؛؛
واخراً وليس اخيراً تقبل تحيات اخوك : عاشق الذكريات ،،