من الفرحة لاحد يلومني
هالهدية لي سنين و انا اتمناها
يا كبر فرحي فرحاة ( نحمد الله جت على ما نتمنى )
:a026: :a026:
آخيرآ صار عندي طيران ( عادي الدنيا عجايب توقعوا اي شي ) إلا الطيران .!
لية الأخت بتصير طقاقة ؟
يا ليت الله يسمع منكم
( لا و الله قضينا و انهبلنا )
و لية قضينا إلا ابتدينا
و بعدين وش فيها الطقاقة مالها رب .!
( اقول لا تسمعكم بس زبيدة و إلا موضي و الله لا يبطلون عن الطق بزواجاتكم )
عاد حنا ما نستغني عنهم
المهم شوفوا الطقاقة وش زينها وش حلاتها مثقفة و متعلمة حتى الشهادة الجامعية معها
تعرفون الوظايف الحين يبون شهادات خبرة و اهم من شهادتك الجامعية
و يا ريتها خبرة يوم و إلا اثنين
سنين و يمكن ازود
يعني يعقدون الي ما يتعقد
( وزارة العمل توعد و الوعد طل ) اقول كني بديت اخور
ما علينا المهم الطقاقة شغله شريفة تمنع بلاوي كثيرة
و بعدين وناسه كل يوم عرس و على كيفها و شروطها هي الي تمشي
و تراها هواية .؟. صدقوني و نا ا ا ا ا ا سة
في وحدة من الجرايد قريت لقاء لوحدة اسمها ام نورة تعطي دورات في الطق ( يعني انواع الفلة )
بس خسارة يا ام نورة وين العنوان .؟
دورناك في كل مكان
نداء عاجل من يعرف اي شي عن ام نورة يعلمني لأني ابي دورة ( مب لي صدقتوا )
صدق او لا تصدق دورات في الطيران و الله حركة
نسيت هديتي الله يعافي من اعطانياها
يا اني سويت ازعاج في البيت
كل شوي طق مسوية عرس مستمر ( عجوز طاحت في مريس )
تصدقون اني حلمت اني طقاقة لا و مو اي طقاقة ( رئيسة الفرقة بعد )
و ندخل ذاك القصر اللي من كبرة ما عرفت وين باب الدخول من الخروج
( اقول بلا نصب عاد اجل ما عرفتي الدخول من الخروج )
المهم استقبلونا اهل المعرس و العروس و من كشخة و فخامة الاستقبال حسيت اني العروس مب طقاقة
( قصدي رئيسة الفرقة )
يعني وناسة مثل احلام سابقآ
الله يجزاها خير افتحت لنا الطريق
و تفضلي و امري و اذا فية ازعاج علمينا ( لازم اثبت وجودي )
قلت : يا خالة بزارينكم خليهم يضفون وجيهم عنا و لا حد يقربنا و لا حد يطلب في المنصة
و لا تنسين الشاي و القهوة و كثري الحلى
قالت انتي تأمرين بس كذا
و لا تنسين المقدم خمسين قبل ما نطق و اللي يبون يقطون عشان نغني فيهم
مصدقين لا قلنا يا زين فلان بينهم كل الفلان خيالة
( و هم السيكل ما يعرفون يركبونة )
و اتفقنا و نبدأ الطق الي بالطيران و نشوف الطلبات
اول اغنية سهرتنا هالليلة خلوها صباحي
بس شكلها ما صارت صباحي لأن
!!!!!!!!!!!!
!!!!!!!!!!
!!!!!!!
!!!!!
!!!
!!
!
<<< جاني طراق و صحاني >>>
بااركوا لي جتني هدية من الجنادرية (( فضيحة ما خلت احد ما علمتة ))
العرض العادي
