»§ الانترنت بالسعودية .. طفح الكيل .. وآخرتها معكم §«

[»§ سمو المجد §«]

السلام عليكم ورحمة الله وبركاته


اليوم اسمحوا لي اناقش معكم موضوع
او بالاصح تجربة مريره عشتها على مدى
سنوات فظيعه مع ماتقدمه شركة ؟؟؟؟؟؟ السعودية
او عفوا الاتصالات السعودية .. شركة ؟؟؟؟؟؟؟؟؟؟؟ ..

على مره السنوات الماضيه كل منا أخذ نصيبه الكافي
والوافي من معاناة استخدام الانترنت في السعودية

وبصراحه الاتصالات ماقصروا في ماقدموه من اسعار أقل مايقال خيــــــــــــــــالية
ولا أظن ان فيه شخص يخالفني الرأي بأننا في السعودية
عندنا أغلى رسوم وأسوأ خدمة انترنت في العالم ..

طبعا نسيت كل ماعانيته من الماضي مع هالشركة التعبانه
وقلت يله يمكن تطورت الاتصالات السعودية لكن للأسف اكتشفت
ان خدمتهم "من جرف لدحديرة" من اسوأ للأسوأ ..

فيه احد ياناس قد مرت عليه سرعة الاتصال الدايل اب ..

14 كيلو بايت في الثانيه ؟؟
طيب انا مرت علي .. وعديتها

طيب وشرايكم في ..

7 كيلو بايت في الثانيه ؟؟
انا مرت علي وانهبلت بس برضو .. عديتها

ولكن ياناس خافوا الله في انفسكم ..
4 كيلو بايت في الثانيه ؟؟!

وهذي الصورة هنا :

حسبي الله ونعم الوكيل .. لا وياخذون عليها 3 ريال للدقيقه
نصب واحتيال عيني عينك ..
الله لايوفقهم لادنيا ولا آخره ..

طيب بتقولون لي ركب دي اس ال وارتاح صح ؟؟

اوكي ياحبايبي فكرت فيها وطلبت من شركة ؟؟؟؟؟؟؟؟؟ انهم يركبون لي دي اس ال ..
طبعا بما انه مافي غيرهم مقدم للخدمه في المملكه فماخذين راحتهم ..

قالوا لي رسم تركيب 300 ريال ورسوم شهريه لهم 120
هذا غير رسوم 180 ريال شهريا للشركه المزوده للخدمه ..
لحد الان ماعندي مشكله قلت ادفع وامري لله ..

وقدمت الطلب ..

ولحد الان صار لي ثمانية أشهر من يوم قدمت الطلب ولازال
على قائمة الانتظار ..
الظاهر اني طلبت يركبون لي قمر صناعي ماهو خدمة اتصال ..

حسبي الله عليهم ..

ما أقول الا كلمة بسيطه لكل المسؤولين وعسى ان توصل كلمتي
الى متى هذا الاحتيال ياناس ؟؟
والى متى ونحن تحت وطأت هذا العفريت اللي مايرحم ..

العالم برى وصلوا سرعات T1 ودي اس ال 2 قيقا وحنا مازال الدي اس ال
265 ك ب هو أقصى حد يمكن للفرد طلبه ..

لاحول ولاقوة الا بالله ..


آسف على الاطاله ولكن اعتبروها فشة خلق ..
ودمتم بخير ..

ولاتنسون دعواتكم على شركة الاستغلال ..