بسم الله الذي لا يضر مع اسمه شي في الارض ولا في السماء وهو السميع العليم
السلام عليكم ...
أعتقد اني قلت السلام عليكم ... سامع يا عوفي كنان ؟
لاتجيني بكره بكم لجنه وتقول اني معطّل عمليّة السلام وقاطع عنها المغذي وكاسر السرير ..
لان السلام مايبغاله عمليه .. مخك هو اللي يحتاج عمليه ..
انا ما اعرف انتم اش تبغون بالضبط ؟
يعني خلوكم في حالكم وخلونا في حالنا ليه اللقافه ؟
يعني لانكم اكبر منّا في السن ؟
لان ربي معطيكم شوية قوه ؟
يعني جايين جايين وش نسوي .. ماباليد حيله .. مثل ماقال راقح صبر : -
لالا .. بيجون لا لا
لالا .. غصب امريكا لومانجيها بتجينا ..
امريكا هذي هي سبب الفساد ... حتى السجاير ماصاروا ينتجونها مثل اول ... يعني لعانه يخلونّا ننخرم على الدخان ثم يبدلون صنعه ....
المصانع عندهم كثيره صراحه ... وهذا سبب تقدمهم .. والدول الثانيه متأخرين ... طبعا العرب مو متأخرين .. متوقفين .. لأن التأخر هو التقدّم الغير كافي للحاق بالمتقدّم .. ولأننا غير متقدمين بشكل غير كافي للحاق بالمتقدمين .. نصير متوقفين عن المتقدمين وعن المتقدمين بشكل غير كافي للحاق بالمتقدمين ..
وبلغ عدد المتقدمين على الاكتتاب في اسهم اعمار عدد خيالي وكانوا يراهنون على هالاسهم لكن تفاجئوا انها قنابل مو اسهم وصكتهم بين عيونهم ..
لانهم ماكانوا يشوفون زين .. ولو ان الواحد منهم فتّح عيونه وشاف زي الناس كان ماصدم بالبعير اللي منسدح في نص الخط .. وهالبعير صراحه بايعها يعني مالقاله مكان ينام فيه الا بطريق القصيم - حايل ؟
شي غريب صراحه يخلي الواحد يطلع من طوره ويمكن يتكلم بكلام مو حلو ياخذ عليه انذار شفهي واحتمال طرد ..
لكن عمر المهنا ما استخدم الانذار الشفهي مع الثنيان وطرده بطريقه غريبه بس لأن الثنيان منعّم ذاك اليوم ..
اصلا لو راح لحلاق هندي ماكان صار اللي صار ..يعني يسويلي فيها ويروح لحلاق تركي بس لأن المباراه منقوله واخرتها انطرد ويستاهل ..
المفروض مايروح لحلاق تركي عشان ماينعّم دقنه وياخذ الاضواء من صلعة المهنّا ..
صدق .. بصراحه يعني ولا احد يزعل من كلامي ..
اللي ابشوفه صح ابقول عليه صح واللي اشوفه غلط صدقني ابدقق فيه واذا مو عاجبك اطلع برى المحاضره وانت محروم هالسنه ..
والله اذا انك تشوف ان هالسنه ماتستحق تنحرم منها اوكي بكيفك .. اطلع برى وشوف الربيع والدنيا والامطار والهجوله واذا مو عاجبك برضه بكيفك بس لاتقول اني ماقلتلك انها امطرت ترى انا من شوي برى وشفت بعيوني الثنتين محد قالي انا شفت سهم اعمار بـ 22
..
قالوا ايش قالوا لايكتتب غير ذوي الدخل المحدود ..!!
يعني اهل عريجا وخنشليله مالهم رب .. شف بس !!
شف بعيونك ولا تقول اي شي غير اللي شفته .. شوف انت ياخالي مو شي يقهر ؟
اشلون بالله يحددون شي معين في ظرف معين لأجل شي معين وبالنهايه هالشي المعيّن في الظرف المعيّن مايحصل على هالشي المعيّن .. هذا افتراء وازدراء و سوء تحكيم ..
حتى الارضيه لك عليها شوي .. انا ما ادري هذا ملعب مزروع والا مزرع ملعوب ... شي يحير وهالدنيا كلها حيره وغيره وحصه ومنيره ..
بالمره لاتنسى تمر تجيبهم من السوق لهم خمس ساعات هناك امداهم وصلوا الدمام ورجعوا وانا ما ادري ..
اه منهم هالبنات ومن حركاتهم اللي تحرك كل شي فيني سواءا كان يبيني او مايبيني ...
يتحركون على كيفهم .. مره يطلعون .. مره ينزلون ..
مره اخضر .. مره احمر ..
طيب ليه من الاول يقولون ان السهم بينزل بالستميه او الثلاثميه كحد ادنى ابي افهم بس ؟
كان قالوا انه بينزل بعشرين ويشرطون الاكتتاب لذوي البنغاليين والهنود ... دام الدعوه نصب في نصب خلاص ياخوي قفل على الرياضيات كلها .. مافي مجال للجمع او حتى الطرح ؟
ياخي اطرح اللي عندك بدون تهجّم على الآخر مافي مراعاه للرأي والرأي الآخر ؟
شي غريب فعلاً ...
صحيح انا اتكلم لاتحسبني استهبل ... لو اني استهبل كان ماجلست هنا ورحت هناك .. وانت عارف بالضبط انه هناك افضل من هنا بكثير .. مع انه لي فتره مارحت هناك واحس اني طولت هنا لكن ماعليه كلها مثل بعض في عيوني اهم شي مصلحة الأمن ومواطنة الوطن ..
والوطن في حاجتك لا تتهرب .. لا لا ... لا تصير جبان وتخاف بهالسهوله .. خلك رجل مثل ماعرفتك وشجاع ماتهاب .. وش يعني اذا كان محمد اكبر منك في السن ؟
القوه في العقل يا ابني مش في الايدين ..
اذا انك تشوف الايدين خربانه روح اشتر جديده وبالمره جيب شريط ثاني اذا هالشريط مو عاجبك .. صدقني بالنهايه مكسر راسك مكسره ..
شي اكيد اني ابكسر راسك ... يعني تتوقع ابشوفك يامحمد تضرب ولدي واتفرج عليك ؟
اصلا انت ماتستحي على وجهك .. لو عندك ذرة حيا واحده كان اكتشفها نيوتن ..لكن للاسف ماعندك ماعند جدتي ..
اييييييييييييه جدتي .. لاتنسى تجيبها مع حصه ومنيره ..
منيره هذي متعبتني صراحه .. يعني ما اجلس انا واياها على صحن واحد الا وتنسف ابو اللي خلّفوه .. يا عزيزتي انتظري .. اصبري فإن الصبر جميل ... والله اذا ماتشوفينه جميل هذي مشكلتك بتتزوجينه يعني بتتزوجينه .. انا اشوفه شخص كريم وشهم وولد ناس ... ناس من خيرة الناس .. والناس والجن كلهم خلقوا للعباده .. ماخلقوا لغرض ثاني .. والله بتقول انه في غرض ثاني انا اقولك تفضل اطرحه .. اذا ماقدرت تطرحه صكه ببكس على جبهته وان شالله بينطرح .. واذا ما انطرح يا عزيزي لا تصر .. الرياضيات فروعها واجد وعمرها ماوقفت على فرع واحد ... دايم الواحد للكل والكل لواحد ...
والله هالواحد ماخدم الكل بإمكان الكل هنا الاستغناء عن خدمات الواحد والتعاقد مع واحد غيره يمكن يتطور الفريق ويصحح اخطاء اللي قبله .. اييييييييه وصلنا للقبله ..
هي من شروط الصلاه .. يعني الواحد مايقدر يصلي الا اذا توجه للقبله .. طيب فرضنا توجه للقبله ومالقيها وش يسوي ؟
اهااااااااااااا هنا نستخدم المخ .. لكن ان كنّا في حالة تحشيش والمخ يسير ببطء شديد وهدوء وروقان عالكيف وياسلام لو مع هالتحشيشه علبة حمضيات يطلع كلام جميل صراحه تقوله لنا يا أخ كويّس ..
كويّس انك فاهمني وماشي معاي للحين لكن بعد شوي ابعد عني ولاتسوي نفسك تعرفني .. الشرطه هناك تشوفها ؟
شوفها بجنب الصاج الذهبي .. لا لا صح الذهبي ألغوه لهم فتره .. حتى ايطاليا سجلت هدفين في المانيا بالوقت الاضافي انا متأكد مافي ذهبي ولا فضي ... في ود فعّال او مشارك او نشيط .. اهم شي نوعيّة المشاركه مو عددها يا عزيزي افهمني الله يرضالي عليك وفتّح مخك ..
ليه انت كذا غبي ..؟
ياخي لي ساعه انصح فيك ومو نافع معاك الله يسامحك بس ..
ما احترمتني ولا احترمت هالشيبات في شعري .. الله يقطعه من يوم جابتك فيه امك .. ويقطع يوم شفت فيه امك .. ولا اوصيك في امك يا ولدي ..
ترى الرسول صلى الله عليه وسلم لما جاه اعرابي يسأله عن احق الناس صحابه قال امك وكررها ثلاث هاه انتبه لايجي بكره تروح لامك وتعلمها بالحركات اللي اسويها وراها لاني ياغبي لو ابغاها تعرف كان ماسويته وراها .. ايوه وراها بالضبط بعد ثاني اشاره تلف يمين بس تدق اشاره يسار علشان التمويه .. ايه انتبه لا يمسكونّا ماحنّا بناقصين فضايح اللي سوته حصه ومنيره يكفي ..
جبتهم والا باقي ؟
يوووه ما ادلخك ..!!
ياورع رح جبهم صارت اكياسهم مليانه اغراض واوراق عرابجه فيها ارقامهم .. حتى ذاكرتهم فللت من هالبلوتوثات خلاص ماعادله داعي السوق رح جبهم ولاتنسى تجيب جدتك وتجيب معاك علبتين زبادي ولازم يكون الصافي اللي يعتبر اكبر مزارع البان متكامله في العالم ومحله بالخرج وجيب بعد زيت عافيه اللي يقولون انه خفيف على المعده ومسوين دعايه عنه تطلع فيه بنت صاروخ ارض جو وجيب بعد حليب السعوديه ابشرك يقولون انه منتج سعودي خالص ماهوب دينماركي وجيب بعد اصطبّات للوانيت اخوك الورع الثاني صدم جدار الجيران الصباح سارق السياره ويحسبني ما ادري عنه هالسارق ولا تنسى تجيب خبز ولبن وخضار وموز وتفاح .. والا تدري ابروح معك
طبوع الحفظ محقوقه
{{ وســـــــام }} 
لا تدخل ترى بتتعب
العرض العادي
