$$$$قصة نهايــــــة$$$$

[ذايــــع الصيت*****]

هذي قصيدة لها موقف مرّ علي وانتهى وقلت هالقصيدة اللي اتمنى انها تعجبكم

تقول الأبيات:


جرّدتني من كل معنــــى وإحســــاس***خليتني انسان خاوي بلا شعـــور

ماكنت افكر تفتعل جـــــرم جســــاس***القلب من رمح الغدر مات مغـــدور

كنت الحياة وكان حبـــك بلا قيـــــاس***حبك بقلبي كان شامخ ومعمـــور

مثلي ومثلك مثل عقــدٍ من ألمـــــــاس***في الجيد مرفوعٍ ولامع ومســرور

فجأة تجرّا وقال:ليتي على الــــــراس***وأمسى يفكر ضايق النفس مقهور

لين الطمع ودّاه من ضـــربة الفــــــاس***تحت القدم مقطوع حبـله ومبتــور

من داس غيره أبيـجي يوم ينــــــــداس***إلا أنت من داسك له الحق معـذور

من باع حبه ما لقى غير إفـــــــــــلاس***مجبور أبلقى غيرك اليوم مجبور

وإن قلت أبنسى حبك اليوم لا بــــــاس***حنا عيال اليوم ولاّ أمس مدحــور

باأنسى المواجع بابتدي بابني الساس***بازرع من الفرقا عناقيد وزهـور

هذي قصيدة حبرها فوق كــــــــــرّاس***تشكي ظلام الوقت للناس بسطور

وسلامة القارين