تلاشت قدحة البارود وزنادي نفظ كفه
وساحات الغلا ماظنتي تبكي على زندي
أبفرد ريش هاجوسي ودمعي وقته يكفه
و أطيّر كل قاف(ن) في ذراكم كان له سدي
أبرحل دام ريح البعد نادتني من الضفه
وقالت ما بقالك في بلاد الود من ودي
أبرحل دام قلبي ما لقى بالود ما شفه
أبرحل دامه بسجن الضلوع وما نقض عهدي
فمان الله يا ود(ن) سقاني شربة العفه
وسقا غيري بحر وده وصرت آنا له الضدي
تنكر لي وأنا اللي كل نبض(ن) يمّه أزفه
تنكر للوداد اللي يبي فزعته من بردي
أبرحل يانديم الشعر وشمع الود ذا طفه
عسى فرقا شموعي له تضوي شمعة السعدي
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&
وسلامتكم...
أحلى التحايا من البارود,,,,
العرض الشجري
