هذه القصه حصلت لبنات النتدى حقنا .
وحبيت تكون اول مشاركه لي.
منيب ناسيه ذاك اليوم اللي قلت فيه لابوي ..
" يبه قل لامي الله يعافيك اني متواعده انا والشبابات في البر اليوم
ان كانهم يبون شي "
قال ابوي .. ابشرى!!!! ( ما عليكم مني..انصب على كيفي)
قال ابوي .. ام مها ترا بنتنا مها بتطلع للبر تبون منها شي؟؟!!
قالت امي .. " لا ابد الله يحفظها !! بس خلها تمر عتيقه تجيب لنا قرع خالتك بيجون العصر يتقهون مرقوق !!
قلت " احووول , السياره ما فيها بنزين والشبابات بيمرون على الحين , واقعد اتمنن بعمري سنه "
طبعا ما جبت القرع ومروني الشبابات وطلعنا للمخيم ..
+" الله يقطع بليستس ياالفرفوشه وراتسس ضاربه تمشين 260 ترا ما عند امي الا انا , اروح فيها,, بعدين يقضن بناتها يصيرون يسمونها ام تركي !!"
="انطمي وعضي على شحمه يامها.. دامك تخافين من امك وتقولتس لا تركبين مع بنات يسرعون والا يفحطون ترا ابرجعتس لبيتكم "
+" اقول ورا ما تنطمين انتي بازه علينا بها الباترول الاحمر الي كنه ثوب طقاقه "
= " ايه يامها ازين من ددسن المعارض اللي فيه ستميه صدمه , وبعدين ان كان امك تقولتس لاتركبين مع شبابات يسرعون فانا امي تقولي لا تركبين مع شبابات يتتنون "
+ اقول بس يالله اذكري الله بس..
ومشينا وكل واحده ماده خشتها مترين !!
وتحاول مها كسر جدار الصمت وتطلع ذيك السجاره ..
ما تدري الا الفرفوشه تضرب الفرامل : وتقول " لاتتتتتتتتنين بسيارتي !! ترا بكرا ابودي امي للمسجد " !!!!!!!!1
وصلنا المخيم ونلقى الشبابات يستنونا " عذوب , وردةالجوري , رزيقه , صغيره على الحب"
طبعا صغيره على الحب ذي " مال ابو جدها دااااعي دلوعه وثقيله طينه وما نحبها كلنا
بس تراها " بنت نعمه " الممولل الرئيسي للمخيم "
والا صغيره على الحب تنتظرنا " و شعرها كله لفافات "
وعذوب قاعده تبرد اظافرها ..
واسالهم :هاه بنات ما هنا عروس قريبه ندهر فيها من زمان ما استنزلنا ؟؟
قالوا .. لاااااااا
قلت طيب وين باقي الشبابات ؟؟ طبت بحلقي الفرفوشه :اقول انتي انثبري وبيجون الحين ..
تحتاجين مساعده ياوردة الجوري " العشاء اليوم عليها "
قالت ابد ابطلع اصيد ارانب وتشيل زنوبتها وتروح تراكض وراهم " مهما كان بنات ما نتعامل بالساكتونات "
ما درينا الا وهي راجعه " تقول ما يصلح نواشف اليوم ما لقيت ارانب "
قلنا لا ماينفع..
وطبينا بالونيت ورحنا نجربع
وصغيره على الحب كل شوي تقول حرام تقتلون حيوانات .
ولا ذيك السياره اللي تكبس من اقصى الدنيا وتركض عذوب تجيب الدربيل "افااا .. هذي احبه حيل مغرزه .. روحوا ساعدوها "
قلت روحي انتي ياملا الغنيمه قالت معصي .. توني بارده اظافري والله ما اكسرهن ..
احووول روحي ياصغيره على الحب ..
والا صغيره على الحب تقول .. لو تموتين توني لافه شعري ما ابيه يغبر !!
اقول روحي ياالفرفوشه وتقول " انثبري تراني جايبتك وابرجعك"
واروح اساعد احبه حييل ....
البقيه في العدد الاخر
--------------------------------
العدد القادم انكمل البنات اللي ماطلعو للبر مع البنات
ونبي مشاركه منكم.
أهداء:
ايا محرقا(ن) بالنار قلب محبه........
أحرص على قلبي فأنك فيه
*r *r *r *r *r *r *r *r *r *r *r *r *r *r *r *r
العرض الشجري
