ادري داخل هنا ذابحتك الحشريه وتبي تعرف وش السالفه على شان بعدين تقعد تسولف فيها على الناس وتسوي
ماسك المجلس #E يالله اقرا ورح بربر لخلق الله، المهم طال عمرك الجربوع ذا قصته قصه مره وانا رايح للبعارين فالليل
راح معي اثنين إخوان ورجال شروى الغانمين المهم واحدٍ منهم اعور الله يشفيه وحنا فالطريق المسجل شغال والفله والسوالف
وينقز علينا هاك الجربوع اللي موب صاحي اللي الجيب يالله يالله لحقه جربوع مركب مكينة بورش المهم وانا اطرده،عاد في
هذه اللحظه (حلوه في هذه اللحظه :D ) قلت اهب ياهلجربوع والله لو معنا سلوقي غير يتعب مايجيبه ، والاعور يطمر قال تحداني امسكه ؟
عاد هو اعور بعين وحده والثانيه لك عليها شوفها ماش قلت يالله اتحداك تمسكه ، قال وش لي قلت ابد لك خروف ان مسكته
قال قدام ، انا على بالي انه يمزح مافيه واحد اثنين الا الرجال يركض على النور هو الصراحه نشيط بس الشوف مشكله ، عاد
المنطقه اللي حنّا فيها قشرا طبيعتها حصى وقشع ، والرجال يصيّخ ورى الجربوع (يصيّخ من باب المبالغه يعني حط رجله :D ) الوكاد الجربوع
يوم حس الدربكه حوله حط رجله من جد يمشي مليون (مليون كذبه يعني يسرع ماشفت عداده)وخوينا الاعور من حصاه في قشعه كنس الارض
كنس عاد ماشالله عليه متعافي رجليه تقول بلك المهم حنّا ذبحنا الضحك الجربوع يمين وخوينا يسار وتكسر من الارض اخر شي قابلنا عقم طويل
( العقم : تراب على هيئه جدار) المهم الرجال صقع فيه وطاح واخذته المعزه بالاثم قام وهاتك ركض يعنني ماصار فيني شي ، اخوه اللي راكبٍ
معي يقول لي عليك الله طف النور وانا اجيب لك ذبيحه، ووقف ذبحت اخوي الله ياخذك يرحم والدينك وقف وانا والله ذابحني الضحك قام اللي
راكب معي مسك الطاره (الطاره :عجله القياده ،ياعنك اني ماني بسيط ياهوه ياعجله القياده ) المهم والله وانا اطفي النور ووقف وصرعني الضحك ،
الحزين فالموضوع ان الرجال رجلينه كلها دم وشوك اثره نازل حافي الخبل من زين النظر.
هذي قصة الجربوع ابو اربعه وعشرين بلف... عاد سو دمك خفيف وسولفها على الناس يعنني صارت عليك.. #l
تقبلو تحياتي وأنتظروني في قصه جديده...سلا1111م
مراسلكم بالـــود : انــاكونــدا #j
العرض الشجري
