السلام عليكم ورحمة الله وبركاته...
كيف حالكم ياحلوين وحلوات انشالله بخير ؟؟ ... معليش على الغيبه عارف انك مسوين احتفالات بغيابي بس الشرهه مو عليكم الشرهه على اللي يوثق بعمره مثلي وعلى باله انه وسيم ايطاليا :D
موضوعي اليوم الصراحه مدري اذا هو طويل ولا قصير ولا ماصل ولا غبي ولا ماله داعي لاني مابعد اكتبه بفكر فيه لما اخلص هالسطر :D
ارجو انه ينال الاعجاب رغم اني ماتوقع لاني جالس اسمع امينمم فاعذرونا ان حسيتو الموضوع خرج عن مساره او سيرو جن ولا شي خخخخخخ فلذلك اقرو المعوذات والفاتحه
واذا الموضوع صار طويل ولا ودك تكمل قرايه اقلب(ي) من البدايه خشتك ولا تتعب حالك <<< الاخلاق شينه :D
^
^
فُهم؟؟
...............................
كنت جالس ادور بالسياره في ربوع المملكه ... ورايق الساعه خمس الفجر وبالزقاره.. وجالس احوس بالسياره وافكر بالماضي والمستقبل والحاظر والمضارع وفعل الامر ونون النسون << والله ماذبحتك غير نون النسوه :D
المهم وانا في احد الشوارع كنت مشغل نور السياره (قل قسم بالليل ومشغل الانوار)..والا والقى شي ملقى على الارض على بالي قطوه في البدايه لاكن لاحظت انها اكبر حجما فقلت طيب يمكن قطاوه مسوين مقبره جماعيه خخخخخخ اعتراضا على سياسة الحكومه (مساكين ياحكامنا حتى القطاوه طلعو ارهابيين) خخخ..وافكر مره ثانيه قلت لازم اصفط السياره على جنب وانزل واشوف رحت لعند الجسم الغريب الملقى على الارض الا فجأه بدأ الجسم بالوضوح شيئا فشيئا واشوف شعر طويل واسود عندها اقتنعت انه انسان بس قلت يمكن واحد من عرابجة الحاره مطول شعره.. ويتوارى الوجه من امامي وارى قنبله ذربه لا بل قنبلة نوييه من الجمال الصارخ الضارب اللي لو بوش يشوفه يقول ابسلم قيادة امريكا لواحد مسلم خخخخ .. كانت البنت توها صاحيه من النوم .. اول مالتفتت علي وقفت مصاريني حتى اذكر واحد من امعائي الغليظه قام يتهاوش مع امعائي الدقيقه يبي يتميلح على البنت (ياشين المصاله من اولها خخخ ) .. مالكم بالطويله ان البنت قالت أريد ماء قلت عندي ورا موية الراديتر تبينها ؟ خخخ قالت ايه سوف اموت ان لم تسقني الماء يااخا العرب.. وادور مويه قدام والقى مويه بالمقعد الخلفي لها شهر الظاهر اخواني ناسينها ...
8
7
8
اسقيتها الماء وبدأت تتوارى ملامح وجهها الخلابه بعد انتعاشها بالماء العذب *3 .. وتماثلت بالموقوف فمسكت يدها وقلت لها انه لجميل ان ارى فتاة بهذا الجمال قبل ان اموت.. ومسكت يدي وقامت البنت والله على القوام سبحان من خلق موب عصاقيل بعض الناس (بتكفخ) ..فـقـالت: شكرا ياااا.. وقاطعتها مسترسلا فقلت: اسمي تويكس ياصاحبة الجلاله..فقالت انه لاسم جذاب وانا اسمي بيتا.. قلت حرام كل هالجمال وبيتا؟؟ اسم قطوه هذا اللي يهديتس بس انا ابسميك بدال هالاسم هل تسمحين لي ؟؟ قالت بالتأكيد فأنا مدينه لك بحياتي ياتويكس.. قلت ابسميك هيفا..قالت هيفا ولا حيفا خخخخخخ (جنيه ماصله من اولها) .. فبدت على وجهي ملامح الغضب لما في هذا الاسم معزة على قلبي من حبيبتي الراحله ...فقالت اسفه ياتويكس ولك ماتريد سمني هيفا .. فقلت لها مقاطعا: ورا ماتركبي السياره نسولف بدال ذا البرد..قالت بفرح: اشكرك جزيل الشكر لاكن الجو ليس بارد انه حار ويتبين لي من سيارتك انها موديل 60 ولا فيها مكيف فخلنا بالشارع لايقوم التكفيخ خخخخ ..قلت مو مشكله.. ورحنا على طعس وتسدحنا وجلسنا نطالع النجوم..قالت : تويكس شفت النجمه اللي على اليسار تشبه خشمك خخخخ قلت شفتي النجمه هذيك اللي هنااااك قالت : وينها قلت: شوفيها بعيده بس شكلها مربع قالت : لا ماشفتها قلت : حتى انا ماشفتها نياعاعاعاعا ( مافيه امصل مني) :D .. فضحكت هيفاء .. وبينما كنت اداعب خشمي خخخخخ واغوض داخل وادخل صبعين ومره ثلاث اصابع واقول الوو هنا القاهره خخخخخخ .. الا قلت انا لها: هيفا ابي رقم تلفونك ابتصل عليك بعدين والحين برجع البيت قبل امي تكفخني الحين فجر ووراي دراسه .. قالت بس انا من الجن وعندنا ارقام غيركم لازم تركب الصفر الدولي حق الجن خخخخخخخ قلت من جدك ؟ قالت ايه لازم تشتري سوا من واحد جني قلت طيب هاتي الرقم .. وكتبت الرقم على التراب لان ماعندي قلم وجوالي كان بالسياره...وقلت لها انا معجب قالت حتى انا والله وجلسنا نتغازل طول الفجر ويوم اشرفت الساعه قرابة الخامسه والنصف ودقيقه تهورت انا وقلت لازم ابوسها .. وقربت عندها وتوي بعطيها بوسه الا....!!!!!!!!!!!!!!! كف من امي قالت قوووم اصحى يادلخ جب لما لقمة القاضي حق الفطور اليوم خخخخخ
8
7
8
واقوم وجالس اسب والعن هالحلم احسن حلم بحياتي (ترا كل احلامي افلام كرتون ماريو وقرانديزر والبوكيمون خخخخخخخ ) واروح راضي بحكم القدر واروح السوبر ماركت واشتري لقمة القاضي للوالده وتقولي يالله روح ساعد اخوك بالمذاكره قلت طيب ... واروح لاخوي قلت له وش تبي اذاكر لك ؟ قالت رياضيات قلت طيب واشرح له شرح يقالي خبره وشوي ويكفخني بالكتاب ويقول غلط الحل كذا تأكد من دفتر المدرس :( .. قلت لحول حتى اخوي احسن مني بالرياضيات اجل وشو له تقول تعال اشرح لي ؟ قال ابي اراجع بس انت دلخ خخخخ.. ومر على هالحال مصاله وروحه وجيه وتكفيخ بأخواني لما أذن المغرب .. افطرت وطلعت بالسياره اروح ادخن وانا في طريقي للأستراحه.*6 . واشرب الزقاره الاولى ويجلس راسي يدور من جد احس اني طاير بالهوا ...واذكر الحلم وما دار من احداث.. وفجأه تذكرت الرقم اللي سجلته على التراب تبع خويتي الجنيه هيفا (صارت خويتي خخخ ) والله واعطيه اول وادعس كلش واعطيه ثانيه وادوس على البنزين بنفس الوقت وتقوم السياره تفحط لحالها (احلف ؟ خخخخ ) واروح للمكان اللي كتبت فيه الرقم والله والقى الرقم مكتوب من جد واسجله بالتلفون واكلم ويرد على جني يقول ان الرقم اللذي طلبته غير صحيح الرجاء الذهاب لاقرب بيت مسكون وشكرا (خخخخخخ والله تطورو الجن) :D واتذكر كلام هيفا وهي تقول لازم تلقى جنبي يبيع سوا ..وفجأه الا سمعت صوت شي جنبي كأنه حديد .. والتفت واشوف مصباح سحري... قلت ينعن ابو الحاله حتى علي بابا وصل لهنا والله اني فله ياشيخ.. وامسك المصباح واحكه بطرف يدي اليمنى ويطلع دخان ويبرز واحد جسم قدامي وطويل القامه قال : شبيك لبيك سرداقه بين يديك ..قلت له اموت على الاسم ..قال شكراً سيدي.. قلت: ينعن ابو الجسم ممكن جسم مثلك عشان ارقم فيه ؟ الا فجأه ويصير جسمي عضلات وحركات .. قال اتريد خدمة اخرى ياسيدي ؟ قلت ايه ابي محل سوا للجن .. قال: سمعا وطاعه ياسيدي...
8
7
8
وفي لمحة بصر الا اشوف روحي قدام لوحه مكتوب فيها (خرخير الجان لبيع السوا بالمجان) وادخل واسلم ويرد علي السلام قلت خرخير هات سوا قال : اخلاق يالحبيب .. قلت هات سوا بسرعه وببلاش قال انقلع بس قلت: شوف مكتوب برا ببلاش..قال يعني هذي مبالغه من كثر ان السوا رخيص .. قلت بكم قال خمس قطع عظم خخخخخخخخ قلت الله ينعن شركة الاتصالات عندنا وينها تشوف هالرخص .. واروح برا وادور لي قطوه واذبحها واخذ عظمها واعطيها حق السوا ويعطيني الشريحه والجوال.. على فكره الجوال عباره عن عظم مركب مع بعضه وفيه شوي سعابيل كلاب اعزكم الله خخخخخ ... واتصل على رقم هيفا.. وردت واسكت شوي ابيها تقول الو يمكن يرد ابوها علي (قديمه الحركه تسكت لما تسمع صوت اللي يرد خخخخخخخخخ ) .. واسمع صوتها قالو الو قلت هلاااا عمري شلونك ؟؟ قالت تويكس ؟ عارفه انك بتجي وانك ذكي وبتحل اللغز وبتجي هنا ... قالت انت أي حاره ؟ قلت دقيقه اشوف اللوح قلت انا في حارة (ادخل في انسان واربح بيبسي) اموت على اسم الحاره خخخخخ ... قالت الحين جايتك ... وتجي والله وسيارتها قطوه سودا بس على شكل كبير ... واركب معها ونروح نتمشى في مدن الجن ... واشوف مستشفيات وحركات حتى الملاهي عندهم بس العابهم دفشه .. فيه لعبه اذكرها تركبها ترميك من 200 متر خخخخخخخ انواع الدفاشه فيهم.:D .. وبينما نحن نتشمى قالت وهي رايقه : وش رايك بالجن؟؟ قلت: اهو بن لذينا ماحبه قسم بالله يجيب لي الهم ... قالت : افااااااا ليه ؟؟ وتوقف وتقول انزل من السياره ياخبل... قلت ليه ؟ قالت يعني ماتحبني؟ قلت : لا ياعمري فيه سوء تفاهم انا اقصد فيه شراب اسمه جن وحسبتك تقولي لي حلو او لا خخخخخخخ .. فضحكت على مااوتيت من مصاله.. قالت: تويكس يالله نتزوج قلت موب مشكله ... قالت يالله بنروح البيت بس يبعد ثلاثة ايام من هنا .. قلت ينعن اللي يقول ورا روحي بس :D.. ونمشي وسواليف وضحك وكان هالكلام اخر الفجر ... وجالسين نتسامر طوال الفجر.. وضحك وفرفشه حتى من الوناسه قلت لها رجعي بيتنا نلعب الدوري الياباني خخخخخخخخخخخ ... المهم كان المنظر ساحرا بين قرى ومدن الجن .. مناظر خلابه تسحر الناظرين.. وعندما بدأ النهـار بالبزوغ وبدأت تظهـر خـيـوط الشـمـس الساحره .. راودني شعور غريب قلت لهيفا فجأه وقفي بسرعه على جنب بسسرعه ! قالت شفيك . قلت وقفي لاقوم اتمردغك( عربجي) .. وتوقف والتفت عليها واطفي السياره ... واطالعها بنظرات حارقه..هي فهمت وش ابي قالت الحين نروح نتزوج ياتويكس يالله خل نكمل الطريق.. قلت لا انتي مالك دخل ولا تتحركي.. واقرب شوي شوي .. وبستها على خدها وعدت ادراجي الى مقعدي وقلت كملي الطريق ورحنا وكملنا الطريق لما بيت اهلها وتزوجنا وفليناها ووناسه ومصاله وكل حاجه صارت وجبنا ولد وبنت وطالعين نص انسان ونص جني يعني نص مخفي والنص الثاني موب مخفي :D خخخخخخخخخخخخخخخخخخخخخخخخخخ ...
8
7
8
قــبـــلــتـــهــا فــي الــصــبــاح فــقــالــت : أوتــفــطــر يـاهـذا ونـحـن صـيـامُ .. فقلت: أنـت الـهـلال عـنـدي والـصـوم بـعـد الـهـلال حــرامُ...
8
7
8
مايستفاد...!
الحب موب كل شي لازم التفاهم..!
كل ماذكر من نسج الخيال..!
اذا حسيت انك ماصل انتحر ازين لك <<< الله من زين النصايح خخخخخخخخخخخ
أرجو ان الموضوع أعجبكم واسفين على الاطاله.. :)
فمان الله...
العرض الشجري
