يااهل المناصب راس مال الشاعرابيات القصيد ...........

[بعيد المدى]

قصيدة اتمنى ان تحوز على رضاكم

[poet font="Simplified Arabic,4,indigo,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
ياللي تمنيك الهقاوي والهقاوي ما تفيد = لا كلف الله نفس مؤمن تائب الا وسعها
الشاطر اللي يعتبر من غلطة الشخص البليد = لايرتكب نفس الخطاء والنفس يرفع طبعها
والاحمق اللي يستمع للشور من راس العنيد = ويضيع الحسبه وينسى طرحها من جمعها
والا الهبيل اللي يشب النار في وسط الجليد = وش فايده من نفخ الاشرم والعيون ودمعها
والآدمي من مولده اما شقي والا سعيد = يمشي على كف القدر والروح ربك فرعها
والرزق عند الله ولا لك غير مقسومك رصيد = الله خلق خلقه وقدر ضرها من نفعها
يا اهل المناصب راس مال الشاعر ابيات القصيد = ما همه الا يكتب الجمله ويحبك طبعها
يستشعر الحاضر ويستلهم من الماضي التليد = ويبث همه للقريحه ثم ينزف نبعها
ويصور الكون الوسيع ويستشف اللي بعيد = دورات دولاب الليالي مرته ياسرعها
العام اقول العالم من العولمه ما يستفيد = واليوم اقول العولمه يآكل ثعلها سبعها
والعالم الثالث تحضر صار في ثوب(ن) جديد = صارت توزع في جميع انحاء الوسيعه صنعها
الله يخزي ياجماعه كل شيطانن مريد = وشجره بدون اثمار اخير من السقايه قطعها
واهل المثل يقولون ماضد الحديد الا الحديد = والأذن لاملت تسكر عن كلامي سمعها
شهب الليال الماضيه تبدلت بأيام عيد = واشرق سنا شمس النصر والعين شافت ربعها
والطير غرد بأجمل الالحان في خضر الجريد = والارض من زود البهاء جادت بطيّب زرعها

[/poet]