يوم طقتني الطقاقة الجزء الثاني

[][MALAK][]

(قاعده اقول في نفسي ياربية وشذي لايكون تبيني اقعد معها في مقهى ..ونطلب ببسي ..واطلع الشنطة السوداء وامد لها امهات خمس قدام العالم ...همن مالقى نفسي الا في cnn)...
طبعا بسرعة رديت قلت خلاص عطيني اسم السوق القريب منك ...
قالت لي الثقبة اول محل ذهب على يدك اليمين اصفطي ...
؟؟؟؟؟؟؟؟ الثقبة ..حشاء وشذا احسبها بتقول الراشد ...
المهم يام بندر ترا عرسنا بالرياض ....يعني ...لاتقولين ماقلنا ..قالت لو يكون بسكاكا جايين جايين ...الله لايعوقني بشر ...
يالله اجل يام بندر الوعد 3 العصر .....قدام سوق الذهب ...
ام بندر :اي على يدك اليمين ...
انا :اية اجل خلاص فمان الله ..
ام بندر..اية لاتنسين يامي ..قعدت اقول بنفسي(اعوذ بالله ..وش فيها ذ ي...)
مع السلامة واخبط بسماعة ..قبل لاتحتسي همن وش يسكتها ...
المهم ...
واستعد واحط المقدم من راسي بالشنطة.....قلت يعني 3 الف زين وبعدين كلش بنتفق علة فيذاك ..
واكلم اخوي واقولة يالله نبي نروح لطقاقة ...الي تطق بعرس خالتك امش ودنا ..
ايش ..
اوديكم ..
طسوا بعد ..مابقى الا اني اروح لبيت طقاقة ...قالت لا ابشرك ذي طقاقة 2000..
مواعدتني بالسوق .. عشان نتفق...
اخوي:اقول لايكون ذي واحد بس...هم يخمك مانشوفك الا بمكة ...تطرين ....
انا:اوف منك ...ماتنفع ..
واطق عباتي ..واركب اختي الصغيره معي ...وامر بيت خالي واخذ العروس ...ومرت خالي واروح معهم ..(العروس جاية الشرقية تتقضى..)
المهم ...نوصل لحد سوق الذهب ونتلفت ..يمين يسار مافية ريحة حرمة بالسوق,,,
الساعة اربع العصر بدري العالم هاجده ...
العروس :يااربية وشذا استويت من الشمس رجعوني يالله ...
مرت خالي:اصبروا يبنات زيمنها تجي هاليحن ...
المهم ...الا حرمة واقفة عند محل ويدينها ذهبان واسواروغوايش وحالتها حالة ...
وتدرو كنها تحرى احد ..
وانزل طايره ام بندر ام بندر....
هلا بامي هلا وتخمني ذيك الخمة ....الي مابعدها خمة ....
وتنزل مرت خالي موشحة وراي...
اية وش قلنا يام بندر ...
ام بندر :الي تامرون عيلة ..يابنتي....بس جبتي المقدم
قلت ابعطيك هالحين 3 الف وبعدها عاد اتفقي مع العرو س..
(قالت ابي 7 الف انا يامي) اجل الحين معي 3 الف(وتمغط القروش من يدي ) وقالت :وليلة العرس اربعةتمدونها بيدي
سكت انا ...وقالت خالتي ...اية بس تجين انتي وفرقتك كاملين ...تراني مانيب احب الي تجي وفرقتها ناقصة ..همن تقول محد شال الطار معي....
قالت :اية بس ودي اقولكم شيء....تراني ذاك اليوم مرتبطة بس اختي وبنات اختي بيجون وتراهم سنعات يابناتي ....وطقهم يهبل وتدس ذاك الشريط في يدي ...اسمعية يهبل...اصدارات الجزيره ... < < < < اما اصدارت الجزيره ..اصدارات نغم ...ولا اصدارات وسع صدرك في محلات ابو هنود...
واطمر بحلقها ....ايش ايش ايش ايش ... < - - - - - - صرت انا الطقاقة مهيب اهي ...
قالت: والله هذا الي صار عاد ..
واسحب القروش ....وامشي واخليها ومرت خالي تلاجد معها ...... مو عيب عليكم ولا ولاولاولاولاولاولاولاولا ....... < < < == يطاقون
المهم واقول لسواق طق بوراي ...قل ذي تجي
.....(اقصد مرت خالي)
مادريت الا ام بندر ...طابة في وسط الشارع من الحمق ...توقف ليموزين ...تبي تمشي وتحقر مرت خالي بشارع ...
والعروس يابعد قلبي تطل برويسها مع الشباك ...< = = = وتراقب الحدث بترصد ... وتركب مرت خالي بعد مامشت ام بندر وخلتها.... وهي تسب وتلعن نعنبوا مابقى بعد الا هذي...
اكلم نفسي..(ياربية يام بندر بعد انتي موب هينة ....زعول...)
المهم .... شخطنا بسياره وانطل خالتي ومرت خالي بسوق يكملون مقاضي العروس نفسي وامر صديقتي ........ واحول ....واطق الجرس...ندى هنا
اية لحظة ...
ندى:تفتح الباب وهي توها قايمة من النوم ومابعد شربت شاهي الراس....
ندى اسمعي ..انا خلاص زهقت حست حست الظاهر اني ابتلشت ......
مالي الا مسجل وابو خمس طعش بعد وكم شريط منكم يابنات ونشيل حنا العرس بس
..ندى:يابنت الحلال تبين تفضحينا والله امحق عرس بيصير
طب وش اسوي ...
اصبري :ابطق على مرت اخوي (عاد مرت اخوها خبره عروس وتوها معرسة بس اني ماحضرت العرس بس مدحوه لي)...
المهم تقوم مرت اخوها تعطيها رقم فرقة الشاطيء....وتقول ذي فرقة وخر عن درب الفرس
قلت اية اعرفهم بس مدري ياندى ...يروعون بيقلون توك تتصلين هالحين ..
قالت ماعليك بس امشي ندق ونجرب ....
الو
:مرحبا
فرقة الشاطيء:hello
انا:ايوه ممكن اكلم المسؤالة ...< = = = ماتعرف عبري....
فرقة الشاطيء:who is speking?
انا :ياربية وش ذولا بعد ...اقول يابعد ابو فلب انتي وخري..بس عطيني اي وحده من الي يمك..
فرقة الشاطيء:يرد علي رجال ايوه ياختي اي خدمة ؟؟
احم احم ..
ايوه والله احنا عندنا زواج في تاريخ كذا وكذا .......ونفس القصة ونفس التفاصيل
قال انا منظم حفلات ...ثواني اشوف الجدول عزيزتي ..
اسلوب حلو ويبرد القلب ..الله يستر بس ...
واحط يدي على السماعة ...ندى ياربية منظم حفلاتهم رجال ...والله احلام ذي مو فرقة الشاطيء....
ندى :كع كع كع كع < < < لا ماعليك هم الشخصيات كذا
الله يقطع ابليسك لايسمعونك همن يهونون
المنظم :ايوه ياختي ,,,لا ماعندنا شيء الفرقة ككل فاضية ويوافق يوم خميس وهذا اخر يوم من ايام فرقتا باالشرقية لاان حنا صباح الجمعة بنطلع جده ..عندنا عرس صباحي ..وبنطلع بعدها رحلة ترويح عن النفس لشرق اوربا ناخذ البنات نمشيهم تغير جو يعني...
انا:هو <= = = =( يعني بالنجدي تنم عن الدهشة والتعجب)
عرس صباحي:ويقهقه قهقة عالية ...شكلك ماتعرفين ياختي للعروس
انا :لا والله ماعرف الا عروس تالي الليل ونسري وحده حنا ترا .. رجاجيلنا حماقين ويحبون يرجعون بدري....
ضحك :ياختي حلاه الزواج يصير صباحي وفطور ....وطرب ..
انا (اكلم نفسي..اوهوووووووه ماكثر هرجة ذا الرجال.....)
المهم اتفقنا ان شاءالله ..
قال :لا طبعا ...باقي تجون توقعون العقد ....ونتفق على المبلغ ....يافيزا ...ياماستر كارد ....على حسب رغبتكم ....
انا :شكلهم يحسبونا عائلة خاشقجي .....
اقول :طيب متى نسوي ذا الاجراءت نبي نخلص لحد يجي ويحجزكم ....
ندى:مها وجع اثقلي لا يرفعون السعر
انا :اثبري وش اسوي لو يقولون مية الف والله لااتسلفها انا في راسي حب مابعد انطحن ابطحنه بذا العرس ..
ندى :الله يستر عليك بس لا تهبدين علينا بذا العرس ... همن اسعاف الشميسي..
المنظم :اوكي...اجل هذا عنوان مكتبنا ..تقدرون تتفضلون ...ونتفق
انا :اوكي
بكره الصبح وانا عندكم
المنظم :لالالالا الصبح سوري ....ممكن تجين وراء 9 باليل
انا :لية /المنظم :البنات هالوقت نايمين والعقد يصير بتوقيع وحده منهم ...يعني لازم تتاخرين شوي..
انا :ياربية طيب يصير خير....
بكره عندكم انا ..
باي
باي
....
واطير للبيت ....وافكر وش اسوي ..المهم .....خواتي في السوق ..
ومحد بالبيت .....
فتحت التلفزيزن : الا مقابلة مع احلام ..قلت ياربية من يجيبك بس افقع فيك عيون البنات ....ونخليك تغنين تفضل واشرب الشاهي ..بس حسوفة على معازيمنا بلش يقطعهم ...بيقعدون يقولون من وين جابوا ذا القروش....بس جايبتك جايبتك ...في عرسي.....
-------------------بكره
رحت للمكتب ....الساعة 9 ومعي اخوي...
وقلطوا والله بنات الفرقة...دخلوا ثنتين ....وسلام... وشاهي ..
يعني واضح انهم محترمات واخلاق...بهدؤ يتكلمون (موب افنان ويا خشتها توها تبرز على الساحة الطقاقية عشان كذا مغتره ..ولا ام بندر طقاقات السطوح والثقبة)...
المهم قالوا لي ......الي تامرون علية ..حنا حاضرين
وعطوني ورقة ملينانة مميزات ...وقالوا اقريها ونقي الي تبينة ....
طبعا انا تنحت ...وش مميزاتة اخبر العروس عروس طق واغاني نختارها ..وبس
واخذ الورقة ...الا والله عرض باليزر والفلاش...< < < عرض باليزر والفلاش في ورقة ..الله من النصب بعد < < < بدات تفك على الجمهور
فرقة الشاطيء تحييكم
اختارونا نحن الافضل...
1. الشرط الاول :بنات الفررقة يتكفلون بالرقص اذا مالقوا احد بالملعب يلعب..ولاتقولون وراء بنات الفرقة يرقصون ...لاان حنا من حقنا رفع مستوانا وعدم تعطيل العرس اذا فية مجوعة من ثقال الدم وثقال الوزن......
2. الشرط الثاني: بنات الفرقة يقدمون عروض بهلوانية في الساحة مع المظلات ..ومع احدث صرعات الميني جوب ..وعلى حسب طلبك ...واذا عندك زي معين مانخالف عطنا وحنا نلبس.....تشمل العروض رقصة الفرس وهي عباره عن ..بنات يتماسكون بالايدي ويدرون مثل فتحي ياورده ... والتسعيره على حسب الساعة.....
3. الشرط الثالث: من حق الفرقة تنظيم الحفل ...وطرد البزران من على المنصة ... بواسطة مصرية مدربة على ايدي سعودية ...وبمناسبة ظهورظاهره بعض الاولاد الي يحبون يطلطلون على البنات في العروس....لدينا كلب حراسة بوليسي.....للعض وللنطل في اخر شوارع منفوحة.....
4. الشرط الرابع : من حقنا نطل اي عجوز نحس انها قاعده تحش بالبنات الي لابسين ظهر مفتوح ....ولا اي عجوز تقول يالله اها قلطونا على البوفية .... نبي ناخذ حبوب الضغط ...ونسري.....
5. الشرط الخامس: أذا دخلوا الرجاجيل ...فقط بنات الفرقة من حقهم الرقص معهم اول رقصة ..وبعدين لكم حق ترقصون مع رجالكم ..وعلى كيفكم...ونستطيع احضار بعض السيوف ...والبشوت ..للي يجون ويبتلشون ..
6. الشرط السادس: اي وحده ضايق صدرها ودها نرقص عنها ماعندنا مانع ....بس الرقص راح يكون حسب الساعة ....وحسب النقوط...
7. الشرط السابع :استعداد تام ان تقوم الفرقة بالمؤاثرات الصوتية والاهتزازت ..وترويع الناس من دخان او نار او ممكن تتحول الفرقة الى شلال ماء متحرك ..او اوراق شجر يابس ليمثل فصل الخريف ... او الى الوان قوس قزح ....او الى ....مطبات شوارع السويدي....او اي شكل تتمناه العروسة والعريس...
8. الشرط الثامن :لدينا كافة الامكانية لجميع انواع التقليد حيث يمكن لفرقتنا تقليد العروسة اذا مكياجها ماصلح ..او خربت تسريحتها ..او خافت من ركوب المنصة ..اواذا خافت من عيون بنات عمة المعرس......والعين والحسد ..نقوم بتقمص الشخصية ....حتى نوصل العروس لباب المطار...
9. الشرط العاشر:تصوير فلاش/تصويير مواقع /تصوير ابيض واسود واحمر وبني/تصوير حركة بطيئة /تصوير العروس مع خلفيات كنها في باريس او جنيف عشان مايضيق صدرها اذا زوجها مايقدر.يوديها.../تصوير بحيث تظهر للعروس ملامح بساكال وعيون مشعلاني وفم ايليسيا وعيون سمر مطر مع احدث انواع الشدو...وتصوير المعرس وراء خلفيات من الروزرايز ..او الفياجرا ....او الشبح ...اذا كان عنده كريسديا او كوريلا ...
ونتمنى لكم قضاء اسعد الامسيات ....واحلى اليالي الملاح في ظل فرقة الشاطيء.....< = = = = مكتوب بالفلاش.....(تنصب وهي تقراه بالورقة)...
=======> طبعا سئلت الفرقة قلت والنقوط ...علينا ولا عليكم
وحده من بنات الفرقة :ماسمعت ياحياتي ايش قلتي.؟
انا:لا سلامتك بس الشروط قلبت رويسي...
خلاص اجل اتفقنا على شرط الثالث...لاان عيالنا بين 10 وال 16يحبون الطلطلة ...ومراقب البنات ويعلمون ابوانهم عن وش سوت بنت فلان وش لبست .... رقصها زين ولا يفشل..
قالوا اوكي ..خلاص نجيب الكلب والمصرية ....
قلت اوكي...
قالوا يالله وقعي ..قلت ابصم بعد ...يالله جيبوا الورق...
توني ابوقع الا اشوف السعر....عشررررررره الف مع الاورج ...
رفعت راسي...اقول يابنات ماودكم تخفضون..
البنات :يناظرون بعض وكن كلامي ماجازلهم ....
قلت طيب ممكن تلفون ابي ادق على العروس...قالوا ..صفر ولا من دون قلت لية...قالوا لا بس اذا صفر نظيفة عليكم ... قلت لالا فيذا قريب وانا ابلعب ريقي
الو خالتي...ترا اسمعي ..يقولون (..وارفع راسي ابيهم يوخرون .)...يعنني ابي اقول سر والله ومعطيني طناش......المهم سفهتهم وكملت يقولون السعرعشره الف وتراني صملت ...
خالتي:ايش مهبولة انتي ...
انا:لا بس ترا هذؤلا اخر ناس اجيهم تبون الزين ادفعوا ولا تراني ابطق بالحشة وابزعل.....ولانيب حاضره عررس ولا يحزنون وتكفلي عاد انتي....
خالتي:خلالاص سوي الي تشوفينة وادفعي الي عندك همن ابعطيك