عز الكلام ومابقى ما نقوله
كل الذي نبغي نقوله وقلناه
كل نسف خرجه وقرب ذلوله
وارتد زمله ثم هدم زين مبناه
قد قلتلك كل الامور محلوله
ولا كل من رام العلا يلحق مناه
وانتي رفضتي كل حل وقبوله
وصرتي مثل قاطع يساره بميناه
في ما مضى فوق الرموش محموله
واليوم حبك راح كله محيناه
انا التحدي ما اعده رجوله
لكن ترا المقفي ليا اقفى نسيناه
ولا اقبل الرشوه ولا آخذ عموله
والعذر ما يشفي جروح المعاناه
قولي العذر ذا الحين ياويش اهوله
هو درس يستاذه واحنا فهمناه
ولا تبين انذل .. يعني معقوله؟
واحنا الجبان ان بان فينا قتلناه
من يام انا يا بنت .. انتي مهبوله؟
الذل مايومن خبرته رضيناه
والكل به حقه ويتبع اصوله
ومن عافنا لو كان نغليه عفناه
نصد عنه عرض نجدن وطوله
يجيه يومه ما ذكر يوم جيناه
أخوكم : فلاح بن سعد الحويله
العرض الشجري
