ترى العاقـل ليا منه تغـربل ضيع المعـقـول !!

[منصور الرويلي]

[poet font="Tahoma,5,white,normal,normal" bkcolor="transparent" bkimage="backgrounds/15.gif" border="ridge,10,purple" type=2 line=200% align=center use=ex length=0 char="" num="0,black" filter=" glow(color=red,strength=5)"]
ظمأ العاشق ؟!!

ظمأ العاشق .. ظمأ يفرض عليه حكاية المجهول = الى عنت على باله هجوسٍ ضيقت باله
تسافر به بدون شعور ولابه للقيود حلول = مثل تايه طريق أبلا جهه يمشي على فاله
يعاند دربه دروب الضياع .. ويعتبرها وصول = الى ضاقت عليه وصاروا الخلاّن عذاله!!
ترى العاقل اليا مّنه تغربل ضيع المعقول = مثل من ضاع حقه بالحكم والصدق بأقواله
بلاي أن الأدله والملامح مالها مدلول = وبلاي أن الزمن يفرض على العقال جهاله
أنا المجنون .. لكن عذري أني مالقيت عقول = تقّدر شرهة الشاعر ولو ماحقق أماله
وأنا المحتار مالي (أجوبه) مدري من المسئول؟ = أنا ولا السنين القاسيه بالحلم محتاله!!
بخيله يالليالي .. مالفا من صاحبي مرسول = يبلغني ويأخذ له ( عهد ) ينسيه غرباله
هو اللي تفهم عيونه عيوني من قبل لاأقول = هو اللي يطرد أسباب الملل ويغّير أحواله
مناي ألقى زمن يلغي زمان الواقع المجهول = مناي أصحى على صوت الوفا وأكون مرساله
يجيني حلم وأستوعب أطيوفه وأربحه وأنول = وأبدد فيه زفرات الوله والبعد وأهواله
وظمأ العاشق ( قدر ) يفرض عليه حكاية المجهول = الى عنت على باله هجوسٍ ضيقت باله!!

( منصور الرويلي )
[/poet]