مأساة

[فهد الخالدي]

غابت عني ولا أعلم وش حالـتهـا
ولاأعلم وشلون قلبي بتنام عيونـه

قلت اقوم وانشد عنها بنت خـالـتهـا
عله يهدى قلبٍ تلعـب فـيه ظـنـونـه

صدت عني ماتبيني اشوف دمعـتهـا
قالت يولـد البنـت بالعـود مـدفـونـه

ماتت وغابت بالسمـا احلـى نجـمـتها
وحزن النجم والضيء انخطف لونـه

غمضت عيني مأبي تـنزل دمعـتهـا
بس بان الحزن والناس يشـوفـونـه

واطلب من الله يجمعني بها بجنة عدتها
حج البيت والصيام وخمس يصـلونـه

[بنت الأجواد]

أخوي ...فهد الخالدي

والله ماأدري أقولك تسسسلم على الكلمات ... أو أقولك الله يكون بعونك

لكن وبكل صراحه معانيك معبره ... ومن قريت الكلمات وأنا حاسه بكل كلمه منها

أخوي... فهد .... لاتحرمني من كتاباتك
أختك
بنت الأجواد

[فهد الخالدي]

اختي بنت الأجواد

شكرا على الكلام الحلو
وصدقيني ان الكلام هذا يعني اسعدني كثير لانه
يعبر عن احساس بمعنى الكلمه وانا واثق كل الثقه
لو هذه الكلمات لم تفهمين معانيها لمَ قلتي هذا الكلام
واقولك الف الف الف شكر ...

ولكن هناك شئ شد انتباهي وهو التوقيع
بصراحه الكتاب يبين من عنوانه وهذي طبع الأصايل
والله يحفظك .....

[alhanoof]

اخي الخالدي

مشكور على المشاركه معاني رائعه

حزينه تعبر عما في داخلك من الم رحمها الله وغفر لها

ويعطيك العافيه

[فهد الخالدي]

اختي الهنوف شكراً جزيلاً على الكلام الطيب
وهذا ليس بغريب عنكَ
واذا صاحبة القلم الذهبي ومشرفة همس القوافي تقول الكلام
هذا عن قصيدتي فانا بقمة السعاده لانني قوبلت بالترحيب من الأعضاء
ومن المشرفين واتمنى ان تكون طلتي عليكم خفيفه
والله يحفظك....