[c]
يعيش الحب شي عادي .. يموت الحب وش يعني
ما دامـ قلوبنا ماتت مشاعرها .. وهي حيه ,,
أحسب الحب لا جيته .. على كيفه يطاوعني
( مغفل ) من يعيش بها لزمان أحلامـ ورديه ,,
من أول ما عرفتكـ تعطي إحساسكـ .. وتمنعني
وأقول تمون يا ( بعــدهمـ ) والحب حنيه ,,
كثر ما كنت تكذب في كلامكـ .. كنت تقنعني
دليل إني على كثر الجفا .. سلمتكـ إيديه ,,
عشاني قلت لكـ : ما بدخل ها لجو .. طلّعني
تروح وتأخذ الدنيا معاكـ .. وتقطع الجـيه ,,
مع إني قلت : إذا ما طاعكـ الوقت الردي .. طعني
و إذا ما جيتني كلكـ .. تعال شويه .. شويه ,,
لكـ الله يومـ أجي مشتاق لكـ .. والشوق يدفعني
كأني رايحٍ لـلـمـوت بيديني .. ورجليه ,,
وأعرف إن مر في بالكـ تولعني .. تولعني
ما دامه شي في بالكـ .. تجيبه ميّه با لميه ,,
وصلت لمرحله .. حتى الشعور العذب يخدعني
وأحس إني على النيه .. وأنا فعــلاً على النيه ,,
بكمّـلكـ كلامي .. بس تكفـى لا تقاطعني
بقى جمر الكلامـ .. ودمعةٍ با لعين مخفيه ,,
آمانه قبل أروح وينتهي كل شي .. طالعني !!
عشان تعرف وش معنى العطا .. قبل الانانيه ,,
أبرحـل .. والطريق اللي يودي ما يرجعني
يبي يغنيني الله عن هوى حبكـ .. وطاريه ,,
خذ الباب بطريقكـ .. والعذر ما عاد ينفعني
ترى ما عاد لكـ قيمه .. ولا الحب أهميه ,,
ومثل ما تسمع لــ ( عبدالكريمـ ) أبيكـ تسمعني
( وداعيه ) .. يا آخر ليله تجمعنا .. وداعيه ,,
×*^*×
يا من سكنت أجمل زوايا كياني
يا ما على نفسي عشانكـ تحاملت ..
مرات أحس إنكـ معي شخص ثاني
ومرات أحس إنكـ حبيبي ولا زلت ..
عشان ماضيكـ الجميل وعشاني
حاول تشيل من الوفا ربع ما شلت ..
سيد جروحي
*×*
يعيش الحب شي عادي .. يموت الحب وش يعني
ما دامـ قلوبنا ماتت مشاعرها .. وهي حيه ,,
أحسب الحب لا جيته .. على كيفه يطاوعني
( مغفل ) من يعيش بها لزمان أحلامـ ورديه ,,
سـ جروحي ـيد ,,,,,, عجز قلمي ان يجاري ذوقك الرائع
انت تمثال نعم ,,,,,, ولكن تمثال من الابداع غااالي الثمن
العرض العادي
