أنا البارحه (( نصيحه )) الجزء الثاني
أبوصيك عز النفس عن ما يعيبها
وثياب الشرف والعز حاول تفصلها
وأبوصيك لاتمشي مع الاش والردي
ولا توشي انه ما أذا جاك شايلها
لما جاك نقال النميمه يشيلها
قول ياولد سكر محطتك وأقفلها
اذا قال ما الأسباب تنكر صداقتي
قوله سوالاتك خطأ لا جواب لها
مادام ماعندك سوى الهرج في القفا
صداقتك منكرها ولاني بقابلها
وأبوصيك في عز أبن عمك وتقديره
وذا شفت عوجه من رفيقك فعدلها
ترى الأولى والثانيه ما تهمني
والثالثه والرابعه بتحملها
خطيت رفيقي ما أعدها خطيه
وخطيت عدو الجد ماني بقابلها
وأبوصيك عز الجار وأحسن جوارك له
وأذا شفت نقص في حباله فوصلها
وترى الضيف ضيف الله له حقوق واجبه
يابيض الله وجه رجل يكملها
الأولى ترحيبة تفتك النظر
والثانيه كرامته لاتهزلها
والثالثه يامن اذا صار خايف
بيوت الفخر مثل المحاجي مداخلها
وأبوصيك في بنت الردي لا تعاشقها
ولو كان مزيونه وشقرًَ جدايلها
ولو مستواها عالي في جمالها
ردى ساسها من سوتها ينزلها
بنت الردى مهما غزيت وكسبتها
حرام عليك الفايده ما تحصلها
وأذا جاء ولدها في النظر فعايله
جعل في فؤادك عله لا علاج لها
ولكن من حقك تعزز ماناسبك
ولا تخدعك بنت الرخوم وتغزلها
بنت الرجال الطيبين أفتخر بها
جواد تثمن عنوتك أذ عنيت لها
وأذا جاء ولدها صار يظرب به المثل
يطول وجيه القوم ويحل مشاكلها
حنون على الوالد غيور على الأعدى
تماري به العذراء وفعله يجملها
يعز الرفيق ويفتخر في صداقته
وعيون العدو عن صافي الشبق يكحلها
عطيتك شبه تعبير عن مابخاطري
وأنا اعز نفسي من معزة قبايلها
وتمت وصلى الله على سيد البشر
والأقوال ما يشهد لها الا دلايلها
وسلامتكم ..........
قصيده للشاعر/ سيف القحطاني .
العرض العادي
