هذه اول مشاركه معكم اتمنى ان تعجبكم :
]المحــــــاورة]
المبتدي :- بلير
الله لا يجــزاك بالخير يابـــوش .... ورطتنا في حرب صدام ورطـه
عزمتـني تقــول بترول وقـروش .... بس الحقيقة روحتي معك غلطـه
رد بوش :- خلوها ...
يابلير رد العـلم من بوش بن بوش ... الله خلقـنــا للمقـاريـد سـلطـه
وأبـوي عنـده للرجاجيل دنبـوش .... كـم واحـد شلنـا فلوسه ونفطـه
بلير:- :- خلوها :- خلوها
أبـوك والنعمين بس أنت مربوش .... تمـوت بالبتـرول وتحـب شفطـه
صحيح عندك مال وسلاح وجيوش .... مـير أتوقـع لك تدهـور وسقطـه
بوش :- :- خلوها :- خلوها :- خلووووووووووووها
بابلير كانك خفت يوم احتمى الهوش .... حـرام ماتأخـذ من النفط نقطـه
قبلك ترى شيراك قد راح مكـروش .... شوفـه يصـرح كل يوم بمحطه
بلير :- :- خلوووووووووووووووها
وراك ما تعطي لشيـراك عرموش .... تـراه مشغلنـا بشيـله وحـطـه
وليا انتهى موضوعنا نرسل طروش .... ونجمـع المبـلغ من الربع قطـه
بوش :- خلوها ـــ خذ عنـدك
شيراك هـذا عنده الفـكر مغشوش .... فـرط علي في مجلس الأمن فرصه
تدزه روسيا والصيـن ويطـوش .... ومجهـز الفيتـو لتحقيـق شـرطـه
بلير :- :- خلــــــــــــــوووووووووووووووها
يابوش أنا مرهق وخايف ومدهوش .... وانت تقول الحرب خدعه وخطـه
أسرآي وأسراك أمتلأ منهم الحوش .... عز الله أنه صابني منـك جلطـه
بوش :- لروح الصـلـيب تكفون خلــــــــوها
ماقلت لك كم فيه إذاعات ودشوش .... لا تكشف المعنى وانا أقول غطـه
وأن قالوا انا علوج واصحابنا جحوش ... ماهمنا الصحاف واللي يحطـه
،،،،،،،،،،،،،،،،،،،،،،،،،،،،،،،،،،،،،
لا وماسمعتو محاوره جرت بين بوش وصدام والصحاف هو المترجم بين الصفوف 00000000 امحق صفوف 0
قبل ما يفقع صدام من بغداد وهو شاق الشعيب ههههههههههههههههه
بنـــــــــــــــدر
العرض الشجري
