صبحكم بالخير جميعا
ابد لاجديد الا اني عضو جديد
وحبيت اكتب لكم هذه النقاط التي اراها ويراها كل شخص يعيش ويتنفس على وجه حياتنا
اليكم
7
7
*** جمهور تجمع زحمه سيارت راهي سيارت جديده قديمه الوان باهته الوان لماعه ساحره ازعاج مسجل للاخير شريط جديد اغنيه صاخبه قد تكون انجليزيه وشره على الي يسمعها وهو ماعرف معناها ومثله مثل أي واحد يهز راسه في كل كلمه قلنا جمهور دوران لفلفه وكل هذا علشان شي واحد بس مرور عبايه سوادء مخصره ولثام منها عيون تناظر وياشيخ مشكله تذكر انها كلها في ظلام الليل حاصله وبالاخير مجرد بنت..... رايحه مكان
*** سياره مغريه جذابه آخر موديل نوعيه تذوب لها الغدد اللعابيه يؤؤؤؤؤ فيها بنات ثلاثه ثنتين عادي تمشه في احد شوارع الرياض الرائعه الي على قولتهم ودي اكشخ فيها قدام خلق الله واقول شوفو تراني عندي موتر جديد ماحد قدي وبلاخير بنت مستاجره فياقرا وبرحصة سواق العايله وشايفه نفسها.
*** شركة اتصالات تخسر ريال وهي تدري وتقول عادي مو مشكله اخسر ريال لاني ادري بكره احصل دبل هذا الريال وكله دام عندنا جوالات بين ايدي شباب يعرفون بنات بينهم كم مس كول ومسج وفاتوره بالاخير يعزج الشاب يسدد وكلها من بنت....
*** اسواق فلوس دراهم عديده مبالغ زهيده مشتريات خياليه انواع جديده موديلات (( تهبل )) وهذا عادي بس من نزلة بنات في سوق والمشتري صاحب عزيز وادفع نحبك اكثر.
*** شباب وناس تعيس طفشان كاره نفسه ماله في الحياه امل ؟ ليه ؟ ماعنده سياره كشخه ولا لبس روعه ولا حتى كوى شماغه والبرزام رايح فيها مشكله مايحس انه عايش ليه؟؟ يقول ماحد يعطيني وجه ودي مثل غيري انعطى وجه الدنيا كلها مظاهر علشان كذا يمكن تطيح في حبي بنت....
*** مستوصف صغير غير مشهور ياكثر الزحمه عليه عالم منهبله ليه وشفيه الناس زحمه عليه مع انه ماهو مشهور ولا فيه دكاتره متطورين وزينين ليه ؟؟ عندهم كم بنت سعوديه لابسه برقع وعيونها تجنن وكل هالزحمه علشان تكحل عيونه وهم مافيهم شي.. وكله لاجل ذيك العيون.
** مطار وطيارت وسفرات داخليه بين المدن وبنت رايحه بروحها بغرض سفره دراسه ولا عمل وذاك الشاب يتلزق في المطار بالاخير بكلمه منه للبنت ياربي ليه الوحده مالك احد يساعدك على العموم انا عندي شرايح جوال يمكن تنفعك وبالمقصد ترى رقمي عليها أي خدمه .. وليه علشان يتعرف على البنت..
*** كفشات هيئه نسمع نشوف بنات شباب في قوه في سوق حتى في فندق وبلاخير ليه؟؟... هو كذا جهالتنا معمين انفسنا بسيرة حب ونروح للامر الي ماكنا نتوقعه....وكله لاجل حب بنت..
** مطاردة ولا حتى في الافلام وكاننا نشوف افلام نطبقها في شوارعنا ولكن هالمره ماهو تسجيل لا مباشر وبطولته ولد وبنت مع السواق بسياراتهم
تكفين هذا رقمي ولا حديتكم ولان قلتوا لا وقفت جنب الاشاره ولوحه مكتوب عليها بالبنط العريض طالبين القرب والرقم... وليه اتمنى تاخذه البنت..
** جوال شاب لحاله يسمع بسيرة بنات وناس عالمها مكالمات وصدق هذا بيننا ماحد ينكره ياللله كلن له حبيب وحبيبه وهذا الي ربح عالم الجوال
ليه انا ماسوي زيهم بس مشكلتي رقمي سوا .... البنت مالها غير مميز...
** مس كول وبالمعنى الا نجليزي خخخخ مكالمه لم يتم الرد عليها يؤؤؤؤ تصرف ولد اكيد هذه بنت تبيني ادق عليها تفكير كيف يصيغ الكلام تفكير وش اقول لها يالله ماعندي اسلوب اتكلم معها وبالاخير يدق يبي يسمع ذاك الصوت الشجي يواليته مادق طلع واحد من اخوياه ماعنده شحن ومغير رقمه.. وعلى بالله كل هذا انها بنت....
** فقير في حي افقر في مدينه متطوره يتمنى يكتب يتمنى يدخل انترنت ليه ؟؟ علشان يحتك في البنات علشان يتكلم لالالا وده يقول شي في صدره ويفرفش عن روحه... ومالقى غير النت الي يكتب فيه بعد مادرى ان الوسائل الاعلاميه الجرايد عندهم حكمه عندك واسطه تعرف احد يزبط لك الموضوع وينشره...
** في الشات سرعه تواصل سرعه حكي سوالف دردشهع لافايده منها سوى ترفيه عن النفس وتأمل لتعارف وبسهوله هذا ايميلي بعدها اليوم الثاني على الايميل كيفك اخبارك وايميلات واليوم الثالث يالله مقدر اخش النت اسبوع هذا عندي ظروف هذا رقمي عادي خلينا نتواصل مع بعض...
** المنتديات عضوه جديده اول كلمه لها رحبو فيني ؟؟ في الخاص عشرين رساله هلا فلا فيك ومرحبا منوره أي خدمه أي مساعده أي توقيع هذا ايميلي اتمنى صداقه وتعارف...
%%%% اعتقد اخواني اخواتي لي الحق ان قلت كل كلمه حقيقه ووواقع ابي اكتب عنها اني اشوفه في كل نظراتي ان كنت مخئ صححوني وان كنت صادق ماودي يد تصفق معي سوى انها تكف عني وووو
ومن جد هذا الي اشوف غير ان عندي الاكثر وكل يوم تصير هذه لو نظرنا منظار جدي وصدق....
بتوقيعه
عربجي اطخم
العرض العادي
