الـنـدم وطـعـون الأيام والـوقـت وعـناه = ويـن مالـديـت وجـهي شـفـتها ت

[شموخ الشجن]

[poet font="Tahoma,4,white,bold,normal" bkcolor="transparent" bkimage="http://nadawi.net/images/orsky.jpg" border="none,4,gray" type=2 line=200% align=center use=ex length=0 char="" num="0,black" filter=" dropshadow(color=black,offx=4,offy=4) shadow(color=black,direction=135) glow(color=black,strength=5)"]
الـنـدم وطـعـون الأيام والـوقـت وعـناه = ويـن مالـديـت وجـهي شـفـتها تـبرالي !!
[/poet]
[poet font="Tahoma,5,white,normal,normal" bkcolor="transparent" bkimage="http://nadawi.net/images/bloodflame.gif" border="none,4,gray" type=2 line=200% align=center use=ex length=0 char="" num="0,black" filter=" glow(color=darkblue,strength=1)"]
أطـلال / وأثــار / وقـبـور ؟!!

0
مجبور ( يامحمد ) تكلمت مجبور = شكل الدهر يبدي ورى ضحكته ناب
أيام يامحمد .. وأنا كنت مغرور = قلت الحياه دروس .. سهلات وأصعاب
هذي بقايا أطلال وأثار وقبور = هذي حقايق .. ذي تماثيل وأنصاب
رمز الفنا .. ملموس .. محسوس .. منظور = ماللبقا في عالم الكون طلاّب !!
ماهو لغير اللي خلقنا ومحظور = سر العظيم 00 وحكمته ياوفى الاصحاب
أقــدارنا ماهي مثل شيء مقدور = أمرً تـقـــــّيـد في سجلات وكتاب
دنيا تخطى الخلق دورً بثر دور = الله يجيرك كم تخـطـت لنا أحباب
أيام يامحمد .. مضت كلها سرور = وأيام ولـــّـت كلها أتعاب .. بتعاب
غريبه الدنيا لها غياب وحضور = تمازجت فيها العجايب 00 بالاعجاب
من عاش فيها لذة العيش معذور = لو لآم ماجرب عسيرات الاسباب
واللي حياته بالشقا جور في جور = مايلام يامحمد .. وذا حظ ماطاب !!
الحــر ( عاش ومات ) مامات مقهور = طــيـّب حــياته طيب .. ياعز الاطياب
وأن كان ماعمر الـفـتى صار معمور = أولاله التدمير .. ولا يضرب حساب ؟
خذها مسافات الزمن بر وأبحور = لاتنشغل كم راح .. كم غاب .. كم جاب
كم من مجاهــد متعبٍ نفسه حضور = يشقى .. ويـشقـيّـها حياته ولا ثاب
المعرفه دنيا وسيعه بلا سور = والعلم مرقاباً على كل مرقاب
والطيب ضلعٍ يدهله كل مسطور = والمرجله وقفه لو أن الردي خاب
والصدق منجاتاً ونورٍ على نور = والكذب ظلمة ويل في وجه كذاب
والخوه النيه على خير وشرور = وعز الرفاقه صدقها حضور وغياب
والحق سيفاً ينحر البهت والزور = وأكبر جريمه ظلم الاقراب .. لاقـراب !!
والــوافي اللي لاصـدق مابه قصور = عند الشدايد 00 والصعيبات ماهاب
عند التجارب يتضح كل مستور = وعند المجرب كل علم وله أبواب ؟
العين نعمه والنظر حر محصور = بين المحاجر والحرس فوقه أهــداب
والقلب تاج الذات 00 والذات مأمور = والروح نسمة عطف من رب الارباب
الله ( يامحمد ) .. له الحمد مشكور = اللي وقانا من صعيبات الاسباب
وشلون يامحمد لو الحال مدمور = وبين الثواني حل في غربة أغراب
وصارت تلاعبه .. محادير وأجفور = وأعدى أعــداته للـفـرح صار جلاّب
وشلون يامحمد ليا صاح مخطور = يارحمة الله يوم صعب الـقـدر شاب !!
أفكار تنحاني ومن طور في طور = أسج .. وأسبح في طويلات وأهضاب
بالموقف اللي له بعض عام وشهور = كني بـذكـره فاقد العقل منصاب
واللي خلق سمك السما وأنزل الطور ؟ = مافيه مرتاحاً شبابٍ 00 وشـيّــاب !!
رغم أزدهار الارض ضاقت بنا الــّدور = كنا مسّجن من ورى شبك وأسياب
أبكم وأصم وبأسفل الارض مغمور = وأعمى وطاه الوقت من ظمن الارقاب
نسيّوه من حطوه .. ماهوب مخبور = ويوم الحياه أزهار في ظلها غاب
يوم الحقيقه خالفت ظن مسرور = وأنته وأنا والواقع المر غلاّب ؟!
باسم المعزه قلت لك قول مجبور = شكل الهدف ماصابه الاّ الذي صاب !!

0
0

( نـــزف / مـنـصـور الــرويلي )

[/poet]